Тиендьсыне някатнень мазы мокшаванякс

Рузаевскяй муниципальнай райононь Мокшень Пишля велень эряйсь, мокшавась Галина Епифанова стак ащекшнеманц аф кельгсы. И тянь теенза аф макссазь тиемс машты кяденза. Галина Васильевна и стай, и кодай, и няканятнень эзда тиенди мазы мокшаванят. Улендсь и стане, мзярда, мярьгат, аф эрявикс някативок макссезе омбоце эряфть: шташендозе, нарнезе-тиендезе, а меле аноклакшнесь теенза мокшаванянь щамнят.
Мастерицать няканза ульсть выставкаса Мордовиянь пцтай сембе райоттнень эса, а нинге—Пензенскяй областьса, Москуса и Белоруссияса.
Галина Епифановась машты котфонь сюреста стулть лангса вельхтямань и кияксти ковриконянь кодама.
авань сембе ня кядьтефнень тонадозень сонць. Инголи велень мокшаватне ламоти маштсть, семьятнень эса фкя-фкянь тонафтсть. Вов и Галина Васильевнанди ётась тя асу.
«Оцю мяльса кярьмотькшнян стамати и кодамати. И павазуван, мзярда тифозень шнашендсазь ломаттне»,—мярьгсь сон.
Мокшень Пишляса кядьтевса заняфт ламоц мокшаватне. Синь сидеста сашендыхть велень клубть видеса работай творческяй мастерскои.