«Тонафнемс эряви профессионалхнень эзда!»

9-13 июньцта Мордовия Республикаса ётафтовсь эряфс «Петербургонь шит» Культурань Санкт-Петербургскяй государственнай институтонь социально-культурнай проектсь.
Проектть мяльса кирдезь Саранскяйса ётафтовсть «Петербургонь школа—инь цебярь практикатне» образовательнай форумсь; Культурань Санкт-Петербургскяй государственнай институтть Учёнай советонц келептьф заседанияц, коса тяфта жа работасть Мордовия Республикань культурань, искусствань ведущай деятельхть и государственнай властень представительхть; республикань культурань работникнень квалификацияснон касфтомаснон коряс курст; библиотекань, музеень, туризмань, грантонь сатомань тефнень цебярьгофтоманкса-виияфтоманкса научно-культурнай семинархт; народнай и классическяй моронь искусствать коряс мастер-класст и лия эрявикс мероприятият, конат лездыхть республикань культурати аськолдамс-кеподемс од серьс!
Тяфта жа «Петербургонь шит» социально-культурнай проектть рамкаса Саранскяйса и Зубово-Полянскяй райононь Вадовские Селищи велеса ётафтовсть духовнай музыкань, народнай и эстраднай моронь концертт. Синь республикань эряйхненди и инжихненди аноклазь-няфтезь МР-нь идень Национальнай симфоническяй оркестрась и Культурань Санкт-Петербургскяй государственнай институтонь студентонь духовнай музыкань, народнай и эстраднай моронь коллектифне.
«Петербургонь шит» социально-культурнай проектонь сембе ётафтф мероприятиятненди тёкшекс арась Культурань Санкт-Петербургскяй институтть Учёнай советонц келептьф заседанияц. Пингстонза форумс пуромфне макссть оцю питне марнек тя социально-культурнай проектти, конань вельде лихневи-кепсеви од серьс культурась Россиянь эрь регионца, коса сон ётафневи эряфс!

Мордовия Республикань Правительствать Председателенц заместителец Г.А.Лотванова:
—Кельгома ялгат! Мордовия Республикань Оцюнять А.А.Здуновонь лемста сембонь тинь лямбоста приветствовандатядязь мокшэрзянь модать лангса!
«Петербургонь шит» социально-культурнай проектсь, кона тячи ётафневи эряфс Мордовия Республикаса,—тя аф аньцек урокт республикань культурати, но и оцю доверия тейнек. Республикань культурань 15 площадка лангса тя проектть мяльса кирдезь ётафтовсть семинархт, мастер-класст и лама лия мероприятия, коса кепсевсь профессиональнай од серьс Мордовия Республикань работникнень квалификациясна.
Сембе ня мероприятиятне кошардомазь минь аф аньцек нинге весть варжакстомс эсь профессиональнай сереньконь лангс, но и шарьхкодемс: тонафнемс эряви фалу и тонафнемс эряви профессионалхнень эзда!
Оцю сюкпря, ялгат, сянкса, мес тинь кочкасть «Петербургонь шит» социально-культурнай проектти эряфс ётафтомань вастокс Мордовия Республикань лама национальностень культурать. Надиян, ся сотксне, конат ладявсть социально-культурнай проектть эряфс ётафтомста Культурань Санкт-Петербургскяй государственнай институтть и Мордовия Республикань культурать ёткса, сяда тов кармайхть аньцек вииякшнема!
Мордовия Республикань Государственнай Собраниять Председателенц заместителец Н.В.Долматова:
—Учёнай советонь участникт, Мордовия Республикань Государственнай Собраниянь депутатонь корпусть лемста приветствовандаса «Петербургонь шит» социально-культурнай проектть республикасонк эряфс ётафтоманц!
Кода содаф, Россиянь лама национальностень культурась фалу касонкшнесь-вииякшнесь эсь национальнай юронзон вельде. Сяс пяк лац тиенди Культурань Санкт-Петербургскяй государственнай институтсь, кона «Петербургонь шит» эсь социально-культурнай проектонц вельде кепсесы од уровеньц культурать Россиянь региоттнень эзга. И тячи тя тиендеви эрьгавста и маштозь минь республикасонк.
Кода содаф, Санкт-Петербургть и Мордовиять ёткса лама ширдень сотксне ладявсть сатомшка кунара ни. Мярьктяма, Пётр I оцязорть атяц Нарышкин 1660 кизоня ульсь воеводакс Темников ошса, а Россиянь флотсь строявсь Мордовиянь пичеста и тумоста. И, койсон, историческяй тяфтама сотксне-факттне нинге весть корхтайхть тейнек тянь колга: сембе минь—фкя оцю семья, фкя-марстонь Великай Россия!
Культурань Санкт-Петербургскяй государственнай институтонь ректорсь, Российскяй Федерациянь высшай школань Заслуженнай работниксь А.С.Тургаев:
—Кельгома ялгат, тя заседанияса тейнек, конешна, аф машфтовихть сембе прябалатне, конат тячи ащихть Россиянь культурать инголе. Но ваномс-корхтамс синь машфтомаснон коряс сембе эрявикс кизефкснень тейнек вийс коре.
Койсон, культурать фалу эряви тонафнемс и культурати эряви тонафтомс обществаньконь. Сяс мес культурась эсь потенциалонц вельде сембонь минь тиендьсамазь фкя народкс, конанди вийс коре ётамс сембе стакатнень-сталмотнень пачк и аф юмафтомс эсь прянц!
Минь пуромоме Мордовия Республикав, штоба пяшкодемс кафта задачат. Нят—тястонь культурать од уровеньц кеподемац и странань лама национальностень культурати тонафтомась. И тя работать итогонзон коряс пуроптовихть содамошит, конат пачфтевихть Мордовия Республикань Оцюняти А.А.Здуновонди.
Кода содаф, нароттне и синь культурасна касонкшнихть-вииякшнихть аньцек аф фкя лацонь ширеснон вельде. И тя мяльть педа-пес шарьхкодеманц инкса минь и ётафтсаськ эряфс «Петербургонь шит» социально-культурнай проектть Мордовия Республикаса, коса эряй лама национальностень мазы и козя культура!
Сяльде учёнай советонь келептьф заседанияса выступленият тисть Мордовия Республикань культурань, национальнай политикань и архивнай тевонь министрсь С.Н.Баулина, Культурань Санкт-Петербургскяй государственнай институтонь библиотечно-информационнай факультетонь деканць В.В.Брежнева, Саранскяй и Мордовскяй епархиянь секретарсь, протоиерейсь Виктор Хохлов, Н.П.Огарёвонь лемса МГУ-нь Национальнай культурань институтонь директорсь С.А.Исаева и лиятне.
В.Нестеров.

Последние новости

«Ялгаксшинь каштазсь» пуропнезень мокшетнень и эрзятнень

13 июльста Оренбургскяй областень Абдулино ошса ульсь «Масторава» ила,...

КАТК СЕМБЕ АРЬСЕФСЬ ЁТАФТОВИ ЭРЯФС!

Вов ни мзяроце кизось мельцек пара койс коре Поволжьянь...

Лидерствань национальнай школась пуропнезень од ломаттнень

Ётай недялять, 4-5 июльста, Саранскяйса ётафтовсь «Лидерствань национальнай школа»...

В Мордовии развивается система патриотического воспитания

В рамках регионального проекта «Патриотическое воспитание граждан» национального проекта...

Бизнес-десант посетил Ромодановский и Лямбирский районы

Третий год в Мордовии в рамках национального проекта «Малое...

ПЕТРОФНЕНЬ СЕМЬЯСНА—ИНЬ ОЦЮСЬ АРГАСА

Атюрьевскяй райононь Арга велесь кирди Петрофнень вельде. Тячи тяса...

«Ялгаксшинь каштазсь» пуропнезень мокшетнень и эрзятнень

13 июльста Оренбургскяй областень Абдулино ошса ульсь «Масторава» ила, конань аноклазе и ётафтозе «Мокшэрзянь культурнай центрась». Праздниксь пуропнесь сядот мокша и эрзя, тяконь лувксса...

КАТК СЕМБЕ АРЬСЕФСЬ ЁТАФТОВИ ЭРЯФС!

Вов ни мзяроце кизось мельцек пара койс коре Поволжьянь ошнень эзга ётафневи «Волга—река мира. Диалог культур волжских народов» Международнай этнокультурнай экспедициясь-фестивальсь. Тядде сон пуропневсь...

Лидерствань национальнай школась пуропнезень од ломаттнень

Ётай недялять, 4-5 июльста, Саранскяйса ётафтовсь «Лидерствань национальнай школа» лем ала форум. Сонь аноклазе и ётафтозе «Российскяй Федерациянь финно-угорскяй нароттнень Ассоциациясна» общероссийскяй общественнай организациясь...