МЫВМЕСТЕ гражданскяй участиянь Международнай форумть пингста МР-нь Оцюнясь Артём Здунов азсь мяль Од кизонь карша прважамс Луганскяй Народнай Республикав гастрольс Мордовиянь творческяй коллектифнень.
Проектсь получась «Од кизоти фкя семья лаца» лем. Сон лезды вельмофтемс культурнай соткснень, конат ульсть инголи.
«Гастрольнай проектть мяльса кирдезь арьсетяма молемс Луганскяй Народнай Республикав, штоба кеняртьфтемс од территориянь эряйхнень, минь брадоньконь и сестраньконь»,—мярьгсь МР-нь культурань, национальнай политикань и архивнай тевонь министрсь Светлана Баулина.
Луганскяи молихть МР-нь Някань Государственнай театрась, «Умарина» моронь и кштимань Государственнай ансамбльсь, а стане жа мокшэрзянь художникнень выставочнай проектсна и Федот Сычковонь копийнай фондоц.
«Пяк пароль мялезонк, мзярда ширезонк сашендсть «Донбасс» моронь и кштимань ансамбльсь и Мариупольста Донецкяй государственнай филармониянь од ломанень эстрадно-симфоническяй оркестрсь. Миньге ёратама кеняртьфтемс Донбассонь героическяй ломаттнень. Национальнай коллективоньке арьсихть цебярь, мир и паваз од территориятненди. Нинге весть шарфтан мяль, што Минь Марсотама!»—азозе Светлана Баулина.