Тяфтама пачатнень таньфсна мяляфтови ламос

Мокшень танцти пачань рецепт кучсь тейнек ялганьке, Москуса эряй мокшавась Татьяна Чумбаева. Татьяна Тимофеевнань пачанзон мархта аф весть каванякшневсть ширде, тяконь лувксса и омба масторста, саф инжихне.
Шапаксть пачанди мокшавась тиендьсы манкаста, кайсемок оргат и синь лисендихть эчкт и ляпт.
Эрявксты:
1 стакан манка, 0,5 стакан тозер почф, 2 алхт, 1 стакан лофца, 5 граммат орга, 0,5 чайнай куцюня сал, 2 столовай куцюфт постнай вай, лямбе ведь (мзяра эрявксты).
Манкать, коське оргатнень, сахарть каямс шаваняс (конань эса ули кода тиемс и шорямс орга мархта шапакс). Семботь тага шорямс.
Шоряфксти каямс лямбе ведь и лацкас шорямс. Шаванять вельхтямс и путомс лямбе вастс 1 частс.
Тяда меле лофцть эждемс 50-шка градусс и каямс сонь паймошкотф шапаксти, шорямс.
Сяда тов каямс алхнень, постнай вайть, салть, лацкас шорямс. Шапаксть вельхтямс и кадомс 20-шка минутас ащема.
Мзярда шапакссь ащи, ули кода кярьмодемс пачатнень пидемаснонды-панемаснонды. Шапаксть шорсемс аф эряви.
Анок пачатнень вадемс скалвайса.
Танцтиняста ярхцада!