«Умарина» моронь и кштимань ансамбльть директороц Наталья Касаткина:«Коллективоньконь фалу васьфнезь и прважсезь кядень кайги цяпамаса!»

Несколька шида меле туй историяв 2023 кизось. Сонь кочкярянзон лангс шятни ни 2024-цесь. И эрсь эздонк тялонь васенце ковть шумордамстонза тиенди эсь лацонь итокт. Мезе ульсь тядде? Мезе удалась сатомс, тиемс, а мезть лангса эрьгавста работама сай кизоть. Конешна, эряенди платтнень колга аф азонкшнихть, сяс мес инголенди пачфтят—арьсефсь аф сатови. Но кой-мезень квалма кизефтемс сембе сяка ули кода. Вов и минь Од кизода инголе якаме инжикс Мордовия Республикать визитнай карточканц, Мордовия Республикать Государственнай премиянь лауреатть, Международнай ламоц фестивальхнень и конкурснень лауреатснон, «Умарина» моронь и кштимань Мокшэрзянь государственнай ансамбльть ширес, коса васьфтемазь сонь директороц—художественнай руководителец, Мордовия Республикань культурань Заслуженнай работниксь Наталья Касаткина. Наталья Ивановна азондсь, мезьса заняфоль «Умаринась» тядде и кодапт планонза малаткшни кизонди.

Директорть—художественнай руководительть Наталья Касаткинать валонзон коряс, «Умарина» моронь и кштимань Мокшэрзянь государственнай ансамбльти, кода и творческяй лия коллектифненди, тушенды эрь кизось мяляфневи гастрольхнень, максф концерттнень мархта. «Умаринати» васенце тевкс ульсь и ляткшни мокшэрзянь национальнай творчествать сядовок содафокс, кельговиксокс тиемац. Концерттнень пачк якстерь сюрекс ётни патриотизмати, Родинаньконди кельгомась. Тянь семботь и няезь ваныхне Беларусь Республикаса, косоль тяддень 17-19 октябрьста Мордовия Республикаста делегациясь, конанди вятикс ульсь республикань Оцюнясь Артём Здунов.
Мокшэрзянь масторть культуранц, национальнай эсь лацонь ширензон тостонь эряйхненди творческяй лия коллективоньконь мархта ряцок няфтезе и «Умаринась». Выступлениянза пяк тусть сембонь мяльс.
Орловскяй областень Вятский Посад посёлкаса майть кучкаста ётафтовсь «Святой Русть коенза» православнай культурань и народнай искусствань VI Международнай фестивальсь. Омбоце шиня концертнай программасонза примась участия «Умаринась».
Конешна, тяддень главнай событиякс ульсь Москуса ВДНХ-са «Россия» Международнай выставкаса-форумса 30 ноябрьста Мордовия Республикань Шить ётафтомац. Сонь культурнай программац работась несколька площадка лангса. Республикань творческяй коллектифнень ёткса ульсь и «Умарина» моронь и кштимань Мокшэрзянь государственнай ансамбльсь. Коллективсь няфтсь концертнай номерхт эсь репертуарстонза. Кепотьксонди, «Тундонь Умаринась», «Мокшэрзянь крайсь», «Танец села Левжа» вокально-хореографическяй композициятнень.
Азома сявок, што вяре азф выступлениятнень пингста «Умаринаса» кштийхне и морайхне щафтольхть од щамса, конатнень стафтозь Беларусь Республикав и Москуву молеманди. Костюпнень аноклазь Н.П.Огарёвонь лемса Мордовскяй государственнай университетонь Национальнай культурань институтонь дизайнерхне. Синь работасть кунардонь эскиснень и тяниень пингонь стилизациять мархта.
Кода и эрь кизоня, «Умаринась» тядде концерт мархта ульсь Мордовиянь сембе райоттнень эса. Тяфта кармай и сяда тов.
Наталья Касаткинась азозе, што моронь и кштимань ансамбльсь коль одкстопневи. Хору и балетнай группав сашендыхть од артистт. Колмотне эздост тонафнихть Н.П.Огарёвонь лемса Мордовскяй государственнай университетонь Национальнай культурань институтса, а нинге работайхть творческяй тя коллективса. «Карматама «касфтомост» и тонафтомост»,—мярьгсь Наталья Ивановна.
Тейнек удалась корхнемс «Умаринать» главнай балетмейстеронц, балетонь артистть, «Умарина» государственнай ансамбльть видеса «Яблонька» идень хореографическяй студиять руководителенц Татьяна Сафоновать мархта.
Татьяна Александровна азозе, што «Яблонька» студиясь работай кафта направленияса: вокальнайсь и хореографическяйсь.
Хореографическяйсь башка мяль шарфни народнай кштиматненди, а стане жа работай классическяй ширеть мархта. Кит сашендыхть «Яблонька» студияв? 3,5 кизоста сявомок 17 кизосотненди молемс стирнятне и цёранятне. Тиендеви сембось, штоба синь сяда лама содальхть Россиять культуранц колга.
«Работатама сянь лангса, штоба ширезонк сашенды шабатнень и подросткатнень эзда тиемс балетонь сай пингонь артистт»,—мярьгсь Татьяна Александровна.
«Яблонькаса» кштийхнень сидеста ули кода няемс А.С.Пушкинонь лемса паркса ётафневи мероприятиятнень пингста. Синь терневихть ламоц конкурсненди. И сидеста стирнятне и цёранятне арсихть I и II степенень лауреатокс, сявондьсазь Гран-прить. Ульсть синь Пензаса. Сай кизоть мяльсна молемс Москуву и Казани.
Корхтаманьконь шумордамста Наталья Касаткинась поздравляндазень сембонь малаткшни 2024 кизоть мархта.
—Кизоста кизос арьсетяма сянь колга, штоба мала, содаф ломаненьке улельхть павазуфт и шумбрат, сяс сембонди арьсян паваз и шумбраши! «Умаринать» кельгиензонды—сяда лама васедема мархтонк. Нинге арьсян кельгомс Мордовиять, Россиять, ломаттнень, мороньконь, коеньконь. Мирнай менель вельхкссонк!
—Спасиба!
Татьяна Альшина.
Фототне Николай КАРАНОВОНЬ.

Последние новости

Нацпроект и снижение смертности при ДТП

В рамках национального проект «Безопасные качественные дороги» в Мордовии...

В Мордовии продолжается реконструкция районных домов культуры

Торбеевский дом культуры – центр притяжения всего района. Здание...

Дискуссия по развитию БРИКС прошла на Всемирном фестивале молодёжи

В рамках Всемирного фестиваля молодёжи в субботу, 2 марта,...

Саранск встретил март «Весенней ярмаркой подарков» 

1 марта в столице региона, при поддержке Министерства экономики,...

В Региональный сосудистый центр №2 поступает новое современное оборудование

Региональный проект «Борьба с сердечно-сосудистыми заболеваниями» национального проекта «Здравоохранение»...

ПОСЛАНИЕ ПРЕЗИДЕНТА

Инициативы Президента Владимира Путина по итогам послания Федеральному Собранию  29...

Благоустройство Дубенского района Мордовии

Центральная площадь вс. Дубенки, 2 общественные территории в с....

Нацпроект и снижение смертности при ДТП

В рамках национального проект «Безопасные качественные дороги» в Мордовии реализуется региональный проект «Безопасность дорожного движения». Одна из его задач – сокращение смертности в результате...

В Мордовии продолжается реконструкция районных домов культуры

Торбеевский дом культуры – центр притяжения всего района. Здание построено в 1974 году и давно требовало ремонта. В 2023 году по национальному проекту «Культура»...

Дискуссия по развитию БРИКС прошла на Всемирном фестивале молодёжи

В рамках Всемирного фестиваля молодёжи в субботу, 2 марта, прошла дискуссия «БРИКС: новые вызовы в эпоху глобального развития». На мероприятии также прошли дебаты «Приоритеты и...