29 июньцта Татарстан Республикань Тетюшскяй райононь Кильдюшева велеса, кода фалу, ётафтовсь «Валда Шинясь» мокшэрзянь культурань Республиканскяй ила. Сон кочксесь 3000-да лама инжи Татарстанонь и Россиянь эрь-кодама уженяста.
Инжихненди ульсь кода варжамс мокшэрзянь ярхцамбяльхнень, примамс участия спортивнай пялькстоматнень эса и содафтомс семьянь койхнень-обуцятнень мархта.
Семьянь кизоть мяльса кирдезь башка мяль шарфтфоль семьянь питнишитнень лангс. Мокшэрзянь национальнай свадьбань театрализованнай прологсь «сувафтозень» сембонь весялготкшнемань и кельгомань атмосферати.
Инь оцю делегациясь ульсь Мордовияста. Инжихнень инголе кштисть-морасть Г.И.Сураевонь-Королевонь лемса «Келу» фольклорнай ансамбльсь, «Ламзурь» фольклорно-этнографическяй ансамбльсь и мокшэрзянь филармониянь лия артисттне.
Мордовскяй (мокшень и эрзянь) народть Межрегиональнай общественнай организациянц Исполкомонц лемста приветствиянь валхт азсть президиумонь члеттне Вера Пронина и Раиса Щанкина. Мордовскяй (мокшень и эрзянь) народть Межрегиональнай общественнай организациянц председателенц Юрий Мишанинонь поручениянц коряс Татарстан Республикань Тетюшскяй райононь мокшэрзянь общественнай движениянь колма активисттненди азфтольхть Благодарностть и казьфтольхть лятфнембяленди казнет.
О нас
«Мокшень правда — одна из старейших газет России, она основана в 1921 году. Это единственная газета в стране и мире, выходящая на мордовском-мокша языке.
Архив новостей
Контакты
Главный редактор - 24-57-73
Заместитель редактора - 24-42-51
Ответственный секретарь-24-57-03
Бухгалтерия - 24-42-68
E-mail: mokshenpr@e-mordovia.ru
Социальные сети
© 2022 "МОКШЕНЬ ПРАВДА". ВСЕ ПРАВА ЗАЩИЩЕНЫ. 16+