Велеряйхненди ули мезе морафтомс

Сире Шайгавонь райононь Сире Теризморгань велень библиотекась лувондови инь цебярькс районца. Эсонза ванфтови вейхкса тёжяньда лама экземпляр книга. Эздост пяледа ламосна Мордовиянь писательхнень произведениясна. Инь няевикс вастсот И.М.Девинонь, А.С.Малькинонь, С.В.Кинякинонь, Г.И.Пинясовонь, В.М.Лобановонь и лия содаф сёрмадыхнень книгасна.
Кепотьксонди, Народнай поэтсь И.М.Девин тя веленне. Мзярда сашендсь Сире Теризморгав, вестевок ашезь ётне велень библиотекать вакска. Сувсесь седикс-ваймокс велеряензон мархта корхнема. Азонкшнесь эсь творчестванц колга, лувондозень эсь стихонзон, казендезень книганзон, конат ащихть библиотекаса инь няевикс вастса.
Народнай поэтсь Р.К.Орлова Сарга велеста. Но Сире Теризморгать кельгсы, сашенды сидеста, васьфни лувихнень мархта. Казьф книганза стане жа почётнай вастсот велень библиотекаса. И тяфтама примерда можна лятфтамс лама.
Библиотекарень тефнень вов ни 33 киза вятьсыне трудонь кельги мокшавась С.Ф.Пивкина. Ломанць сон пяк ответственнай, порядкань кельги. Эрь тевти кярьмотькшни илештень кятть. Инь няевикс вастса библиотекаса стендсь, кона азонды морафтома уженять историянц колга. Сянь квалма, кит тяса покотькшнесть, кит тиендезь библиотекарень тефнень. Корхтамась моли М.Н.Кадеровать, Ф.И.Широковать, З.В.Глуховать, Н.М.Кадеровать колга. С.Ф.Пивкинаське трудендай виень аф ужяльдезь. Аф лядонды шири велеса, районца ётафневи илатнень эзда. Лемоц лац содаф Сире Шайгавонь аймакса.
Илья Вешкин.