ЁТАФТОВСТЬ XXXI-це МАЛЬКИНСКЯЙ ЛУВОМАТНЕ

28 майста Атюрьевскяй райононь Кяшал велеса ётафтовсть XXXI-це Малькинскяй лувоматне, конат лемтьфтольхть мокшень содаф поэтти, Великай Отечественнай войнань ветеранти, СССР-нь Писателень союзонь членти А.С.Малькинонди.
Кяшал вели пуромкшнесь лама ломань, конат тонафнесазь, содасазь и кельгсазь Александр Степановичень творчестванц.

XXXI-це Малькинскяй лувоматне ушедсть поэтть калмонц ваксса, коза иттне и инжихне путсть панчфт. Митингть панжезе Кяшал велень поселениянь оцюнясь П.Н.Лёвин. Сон шарфтсь мяль, што Александр Степановичень творчестванц вельде Кяшалсь арась содафокс марнек республикаса. Тя мяльть поладозе педагогическяй трудонь ветеранць Н.Н.Трунькина.
Школать каршеса инжихнень васьфтезь кшиса-салса. Кайгсь «Кяшал веленяй» морось, кона лемтьф А.С.Малькинонди (музыкась Нина Кошелевать, валхне Илья Вешкинонь).
Школаса ули историко-краеведческяй музей, кона каннесы содаф поэтть лемонц. Тясот Александр Степановичень книганза, ялганзон лятфнемасна, сире пингонь щапт-каряпт, лия экспонатт, конат азондыхть ся пингть колга, кода эрясть тястонь ломаттне революцияда инголе и меле, коллективизациять пингста, Великай Отечественнай войнань кизотнень. Тяни историко-краеведческяй музейса эвондась од уженя, кона азонды СВО-ть и сонь героензон колга.
Малькинскяй лувоматнень ётафтома вастстост поэтть портретоц, книганза, мокшень кяльса нолдаф «Стихт», «Ялгань вал», «Славань киге», «Саша», «Мода», «Раднят», «Макарня» и стихонь лия сборниконза. Ламоц стихонза, балладанза, поэманза ётафтфт рузонь кяльс и нолдафт башка книганякс. А мзяра азкстонза, очерктонза, фельетондонза, лятфнемадонза печатлафоль «Мокшень правдаса», «Мокша» журналса, рузонь изданиятнень эса!
Аф васенце кизось Малькинскяй лувоматнень эса примай участия генерал-майорсь, историксь, краеведсь Н.С.Шаронов. Тяддевок сон аноклась поэтть эряфонц, творчестванц колга фактт.
Малькинскяй лувоматне ушедсть ётафневома 1993 кизоста сявомок, мзярда отмечазь поэтть 70 кизонь топодеманц. Ушедыкс ульсь Мордовиянь Народнай поэтсь И.М.Девин. Эста нинге шисотольхть Александр Малькинонь брадоц, Василий Степанович, раднянза, ялганза и содафонза.
Педагогическяй трудонь ветеранць Н.Н.Трунькина лятфтазе, кода поэтсь сашендсь ширезост. Алянц, Н.П.Чепайкинонь, цебярь ялгацоль. Марса ётафтозь идькс пингснон, тонафнесть школаса. А меле тюрсть фашисттнень каршес. Сидеста васьфнесть и войнада меле. Лятфнезь бойса шавф ялгаснон, ся велеряйснон, конат ашесть мрда Великай Отечественнай войнаста. Нина Николаевна кельгсы Малькинонь поэзиянц, сембодонга пяк стихонзон лангс ладяф моронзон. Фкять эздост, «Акша сёралть», моразе Кяшалонь клубонь заведующайсь М.Н.Алямкина.
Велень хозяйствань ветеранць И.А.Козяйкин лама азондсь военно-патриотическяй воспитаниянь кизефкснень колга. Малькинонь поэзиянц эзда тя няеви пяк цебярьста. Эсост оцю кельгома шачема крайти, Родинати. Тяни моли СВО-сь. Кяшалонь цёратне Илья Ш., Николай С., Виктор О. и лиятне примайхть участия тя операцияса. Синь афкуксонь геройхть. А мзярда-бди тонафнесть Кяшалонь школаса, улендсть Малькинскяй лувоматнень эса, кулендезь и лувондозь содаф землякснон стихонзон, балладанзон, поэманзон.
Малькинскяй лувоматне ётасть мялень салайста.
Полафнихть пингсь, велень и райононь оцюнятне, а лувоматне кизоста кизос коль кочксихть вийхть, пуропнихть лама ломань. Тянь колга прянь шнафтозь и гордостень марязь корхтась мокшень кялень и мокшэрзянь литературань учительсь Н.Г.Панькина.
Малькинскяй лувоматнень эса примась участия Атерень централизованнай библиотечнай системать директороц Н.И.Марфина. Сон лама азондсь Малькинскяй лувоматнень эрявиксшиснон колга.
Районнай библиотекаса аноклафоль А.С.Малькинонди лемтьф оцю выставка, конань ванома тердезень иттнень, илань сембе участникнень.
XXXI-це Малькинскяй лувоматнень пингста корхтайхне азсть лама цебярь мяль-арьсема.
Илья ВЕШКИН.

Последние новости

В Мордовии открылись новые благоустроенные зоны отдыха

В Мордовии в этом году открылось сразу 7 новых...

Благодаря нацпроекту малый и средний бизнес Мордовии получает господдержку

Министерство экономики, торговли и предпринимательства РМ совместно с Центром...

В Ичалковском районе приводят в порядок 14 км дорог

В Ичалковском районе Мордовии по национальному проекту «Безопасные качественные...

Нацпроект помогает бизнесу Мордовии стать узнаваемым и привлекать новых клиентов

Министерство экономики, торговли и предпринимательства РМ совместно с Центром...

Дан старт приемной кампании по программам «Профессионалитета»

В Мордовии начинается приемная кампания в колледжи и техникумы...

Нацпроект помогает семейному бизнесу Турбиных из Мордовии 

Министерство экономики, торговли и предпринимательства РМ совместно с Центром...

В Мордовии модернизируют службу занятости

Мордовия вошла в число пилотных регионов комплексной модернизации службы...

В Мордовии открылись новые благоустроенные зоны отдыха

В Мордовии в этом году открылось сразу 7 новых пляжей. Средства на их благоустройство были предоставлены предпринимателям республики в качестве грантовой поддержки. Работы велись...

Благодаря нацпроекту малый и средний бизнес Мордовии получает господдержку

Министерство экономики, торговли и предпринимательства РМ совместно с Центром «Мой бизнес» оказывает поддержку предпринимателям Мордовии. Так, благодаря реализации национального проекта «Малое и среднее предпринимательство...

В Ичалковском районе приводят в порядок 14 км дорог

В Ичалковском районе Мордовии по национальному проекту «Безопасные качественные дороги» в 2024 году будет капитально отремонтировано порядка 14 км дорог. В мае начались работы на...