Лездыхть специальнай военнай операцияти

Мордовия Республикань эряфкшу ломаттне косовок аф лядондыхть, примсихть участия райоттнень эса, республикаса ётафневи оцю иласа, пуромксса. Кода маштыхть, лездыхть СВО-ти. Тянь пяк лац няфтезе национальнай культурань и креативнай индустриянь од ломанень колмоце Всероссийскяй фестивальсь. Сире ломаттне сембоса сафтсазь. Но тяни синь васенце вастса—СВО-ти лездомась. Республикаса аш стама район, коса сире ломаттне афольхть лезда СВО-ти.
Тянь ширде пяк активнайхть Зубово-Полянскяй, Торбеевскяй, Атюрьевскяй, Инсарскяй, Темниковскяй и лия райононь пенсионерхне. Кепотьксонди, Атерь аймаконь Бораж велень пенсионеркась, трудонь ветеранць Т.К.Калабкина СВО-нь боецоньконди прважась сядошка пара понань носок. Тняра жа кодась и Оброчнай велень мокшавась, педагогическяй трудонь ветеранць А.Н.Мелёшкина. Ичалковскяй райононь эряфкшу ломаттне кодасть и прважасть СВО-нь боецоньконди 700 пара понань носок. Кодасть маскировочнай сетьть, тисть окопонь штатолхт и лама лия. Тя тевти лама вий и пинге макссть А.И.Атласова, Г.П.Рыбкина, Т.И.Козлова, Т.М.Васильева, лиятне.
Оцю лезкс тя эрявикс тевса сиренятненди максси Ромодановань сахарнай заводсь.
Илья Вешкин.
Снимкаса: Ичалковскяй райононь эряфкшу ломаттне.