Мордовиянь од ломаттне—«iВолга-2022» ПФО-нь
Од ломанень форумса

21 июльста Самарскяй областьса Мастрюковскяй эрьхкнень территорияса панжевсь «iВолга-2022» ПФО-нь Од ломанень форумсь, конань эса примай участия Мордовия Республикаста делегация. Регионть делегациянц лувксса 92 ломань, конатнень ёткса школьникт и студентт, од ломанень общественнай организациянь активистт и од ломанень политикань сфераса специалистт.

Форумсь ётафтови ПФО-са РФ-нь Президентть полномочнай представителенц Игорь Комаровонь патронатонц ала и од ломанень тефнень коряс Федеральнай агентствать ширенц кирдеманц вельде.
Форумонь участникненди приветствиянь валхт азсь Россиянь Президентть Администрациянц руководителенц заместителец Сергей Кириенко.
«iВолга-2022» Приволжскяй федеральнай округонь форумсь од ломаттненди ётафневи главнай мероприятиятнень эзда фкясь. 10 кизоста эсонза примась участия Россиянь и омба масторонь 20 тёжяньда лама од ломань. Самай тяза, Самарскяй области, эрь кизоня пуромкшнихть лама ширдень, асу и аф озадонь седихть ащи од ломаттне, штоба полафтомс сяда цебярь шири эсь пряснон, эсь регионцнон, странать и перьфпяльть. Тинь, минь од ломаненьке,—Россиять сай пингоц, виияфтомань, сяськомань и сатфксонь сатнемань лихтибряц»,—азф Сергей Кириенконь приветственнай валсонза.
Лятфтасаськ, тядде форумонь участникне ётайхть образовательнай программа, конань эса 9 профильнай сменат: «Мой народ», «Управляй будущим», «Делай дело», «Миссия Добро», «Место жительства», «Творческий процесс», «Практика» лабораториясь, «Детская iВолга» и «Государственная молодёжная политика».
Форумть пингста участникне кармайхть пялькстома гранттнень инкса. Тядде кафта грантовай конкурста: окружной и всероссийскяй.
Мордовия Республикать эзда конкурсс максф 60 проект. 39 заявкась максф од ломанень проектонь Всероссийскяй конкурсса участиянь примаманкса.
23 июльста «iВолга» Од ломанень форумть ётафтоманц пингста ПФО-са РФ-нь Президентть полномочнай представителенц васенце заместителец Олег Машковцев ётафтсь окружной совещания главнай федеральнай инспекторхнень и исполнительнай властень органонь руководительхнень мархта, конат отвечайхть ПФО-нь региоттнень эса общественнай проекттнень и од ломанень государственнай политикать эряфс ётафтоманксост.
Совещанияса примасть участия МР-ть эзга главнай федеральнай инспекторсь М.С.Сезганов и МР-нь спортонь и од ломанень тефнень коряс Управлениять начальникоц—министрть васенце заместителец Анастасия Гришнева.
Панжемок совещаниять, Олег Машковцев шарфтсь мяль округонь Федерациянь субъекттнень марстонь анокшиснонды общественнай проекттнень эса участиянь примаманди кизоть омбоце пялестонза, а стане жа патриотическяй воспитаниянь и од ломанень политикать информационнайста няфнеманц коряс кизефксть лангс.
Полпредть заместителец башка лоткась ПФО-нь общественнай проекттнень и од ушеткснень лангс. Сонь валонзон коряс, маластонь пингть арьсекшневи ётафтомс «Гвардеец» окружной военно-патриотическяй сборхнень, «Зарница Поволжья» военно-спортивнай налхкомать.
Корхтамок массовай спортонь виияфтомань темать колга, Олег Машковцев мярьгсь, кле, сентябрьста арьсекшневи ётафтомс хоккейть коряс студенческяй любительскяй командатнень ёткса IV окружной турнирть, од спортивнай проекттнень ёткса—баскетболть коряс окружной турнирть.
Койс коре, сёксенда ётафтови «Кивок апак юкстак» поисковай отрядонь слётсь, «Кадет Приволжья» спартакиадась и лия мероприятиятне.
9 декабрьста Отечествань героень шиста тиевихть итокт колма направленияс коре, конат сотфт од ломаттнень патриотическяй воспитанияснон мархта.

Последние новости

«Ялгаксшинь каштазсь» пуропнезень мокшетнень и эрзятнень

13 июльста Оренбургскяй областень Абдулино ошса ульсь «Масторава» ила,...

КАТК СЕМБЕ АРЬСЕФСЬ ЁТАФТОВИ ЭРЯФС!

Вов ни мзяроце кизось мельцек пара койс коре Поволжьянь...

Лидерствань национальнай школась пуропнезень од ломаттнень

Ётай недялять, 4-5 июльста, Саранскяйса ётафтовсь «Лидерствань национальнай школа»...

В Мордовии развивается система патриотического воспитания

В рамках регионального проекта «Патриотическое воспитание граждан» национального проекта...

Бизнес-десант посетил Ромодановский и Лямбирский районы

Третий год в Мордовии в рамках национального проекта «Малое...

ПЕТРОФНЕНЬ СЕМЬЯСНА—ИНЬ ОЦЮСЬ АРГАСА

Атюрьевскяй райононь Арга велесь кирди Петрофнень вельде. Тячи тяса...

«Ялгаксшинь каштазсь» пуропнезень мокшетнень и эрзятнень

13 июльста Оренбургскяй областень Абдулино ошса ульсь «Масторава» ила, конань аноклазе и ётафтозе «Мокшэрзянь культурнай центрась». Праздниксь пуропнесь сядот мокша и эрзя, тяконь лувксса...

КАТК СЕМБЕ АРЬСЕФСЬ ЁТАФТОВИ ЭРЯФС!

Вов ни мзяроце кизось мельцек пара койс коре Поволжьянь ошнень эзга ётафневи «Волга—река мира. Диалог культур волжских народов» Международнай этнокультурнай экспедициясь-фестивальсь. Тядде сон пуропневсь...

Лидерствань национальнай школась пуропнезень од ломаттнень

Ётай недялять, 4-5 июльста, Саранскяйса ётафтовсь «Лидерствань национальнай школа» лем ала форум. Сонь аноклазе и ётафтозе «Российскяй Федерациянь финно-угорскяй нароттнень Ассоциациясна» общероссийскяй общественнай организациясь...