АНЬЦЕК ВЯРИ!

Саранскяйса панжевсь Советскяй Союзонь Геройть Михаил Девятаевонь лемса
«Высота» образованиянь центрась

Тонафнемань од кизоть Мордовиясь васьфтезе мани лямбе шиса. Илась азорондась республикань сембе школатнень эса—акша банттне и панархне, мазы причёскатне, кожфонь шархне и эрь-кодама тюсонь панчфонь пусмотне. Но фкя школаса тя шись ульсь эсь лацонне—1450 вастонди Советскяй Союзонь Геройть М.П.Девятаевонь лемса «Высота» 15№ образованиянь центрась панжезень эсь кенкшензон тонафнихненди.

«Высотань» школьникнень и педагокнень мархта тонафнемань од кизоти ушетксонь путома сашендсть Мордовиянь Оцюнясь Артём Здунов и легендарнай лётчикть цёрац Александр Михайлович Девятаев.
«Тячи важнай ши—минь панчсаськ оцю, од, валда школать. Мялезе, штоба педагогическяй коллективсь, кона сась тяза, и школьникне—цёранятне и стирнятне, тиельхть тяса цебярь атмосфера, эвондальхть эсь коенте-обуцянте, штоба тинь старандаледе арамс инь цебярькс предметтнень коряс, примселеде участия олимпиадатнень эса, муледе од ялгат,—приветствовандазень учительхнень, школьникнень и тядятнень-алятнень региононь руководительсь.—Тейнек важна, штоба шабатне касольхть афкуксонь ломанькс. И тянди оцю путкссна педагокнень».

Мордовиянь Оцюнясь азозе, што тя школась строяф Россиянь Президентть поручениянц коряс. «Лездоза Шкабавазсь, штоба тяса тинь сембось лисендель, улель венемома содамошитненди, штоба тинь нолялесть тевс сембе возможносттнень, конатнень макссесыне теенть странаньке. Сембода главнайсь—касондода-вииякшнеда и фалу венемода инь цебярти, сяськондематненди!»
Образованиянь центрась каннесы гвардиянь старшай лейтенантть, лётчикть-истребительть, Советскяй Союзонь Геройть Михаил Петрович Девятаевонь лемонц. Панжемань торжественнай церемонияса примась участия сонь цёрац Александр Михайлович: «Мон шарьхкотькшнеса, кода кеняртькшнель тяни алязе: сон тяшкава кельгозе школьникнень ёткса улендеманц, лувондозе тянь эстеенза сембода главнай тевкс. Пара мяльса макссайне школать фондонзонды алязень колга книгатнень. Кеман, минь марса пуроптсаськ Михаил Петрович Девятаевонь колга мяляфтомань уженять».

Цёранятне и стирнятне оцю мяльса учендозь од школать панжеманц. Кайгсь васенце пайгонясь и тонафнемань кудсь панжезень эсь кенкшензон ученикнень, учительхнень и инжихнень инголе.
Артём Здунов ванозе школань атриумть, коса стенатнень эзда фкять лангса тиф Михаил Петрович Девятаевонь портретонц мархта мурал. Начальнай школань кабинеттнень ёткста фкяса региононь руководительсь примась участия 1 «Д» классть класснай частсонза. Стане жа инжихне ванозь актовай залть, шахматаса и шра лангонь теннисса налхксеманди зонать, няезь беспилотникнень нолдамаснон коряс мастер-классть и нльне варжазь эсь вийснон школьнай тирса. Биологиянь кабинетса стирнятне-цёранятне няфтезь республикань руководительти васенце медицинскяй лезксонь максомаса маштомошиснон.
Мордовиянь Оцюнять мархта корхнемста тонафнихнень тядясна-алясна азсть мяль—касфтомс Мордовияса «Авангардть» лаца идень патриотическяй лагерьхнень лувксснон, а стане жа тиемс начальнай военнай подготовкать коряс уликс программатнень стамокс, штоба синь ладяльхть стирнятнендивок. Артём Здунов тя мяльть ширенц кирдезе, мярьгсь, што тяниень пингть тяфтама маштомошитне, кода строевой и военнай подготовкась, аралафшинь основатне, васенце лезксонь максомась—пяк важнайхть сембонди.
Тядде «Высота» образованиянь од центраса кармай тонафнема 820 шаба—тя 34 класс, тяконь лувксса 7 васенце класст. Тонафнемать вятьсазь 77 педагог, вететне ёткстост од специалистт (бакалаврат). Школать инфраструктурац ащи 90 учебнай кабинетста, актовай и колма спортивнай залста, бассейнаста, стадионцта, хоккейнай кортста, 725 вастонди столовайста, информационно-библиотечнай центраста. Дополнительнай образованиянь блокса улихть налхксемань комнатат, краеведческяй музей, драматическяй искусстваса прянь занцеманкса кабинет, хореографиянь зал, живописьса, робототехникаса, скульптураса, опытническяй тевса прянь занцеманкса кабинетт, а стане жа эрь-кодама лабораторият.
Тяниень пингонь образованиянь центрать строяманкса карьхцяф 1,9 миллиард цалковай.

Последние новости

В Мордовии развивается система оказания первичной медико-санитарной помощи

В Мордовии в рамках национального проекта «Здравоохранение» развивается система...

Благодаря нацпроекту в Мордовии растет число самозанятых

Сегодня в России более 10 млн граждан зарегистрировали самозанятость....

В рамках нацпроекта самозанятых Мордовии бесплатно научат nail-мастерству

Министерство экономики, торговли и предпринимательства РМ совместно с Центром...

В селе Константиновка Ромодановского района ремонтируют дорогу

В Мордовии в рамках национального проекта «Безопасные качественные дороги»...

«Ялгаксшинь каштазсь» пуропнезень мокшетнень и эрзятнень

13 июльста Оренбургскяй областень Абдулино ошса ульсь «Масторава» ила,...

КАТК СЕМБЕ АРЬСЕФСЬ ЁТАФТОВИ ЭРЯФС!

Вов ни мзяроце кизось мельцек пара койс коре Поволжьянь...

Лидерствань национальнай школась пуропнезень од ломаттнень

Ётай недялять, 4-5 июльста, Саранскяйса ётафтовсь «Лидерствань национальнай школа»...

В Мордовии развивается система оказания первичной медико-санитарной помощи

В Мордовии в рамках национального проекта «Здравоохранение» развивается система оказания первичной медико-санитарной помощи. Она включает в себя профилактику, диагностику и лечение заболеваний, а также...

Благодаря нацпроекту в Мордовии растет число самозанятых

Сегодня в России более 10 млн граждан зарегистрировали самозанятость. В Мордовии такой статус оформили свыше 25 тыс. человек. Свою деятельность они осуществляют в рамках...

В рамках нацпроекта самозанятых Мордовии бесплатно научат nail-мастерству

Министерство экономики, торговли и предпринимательства РМ совместно с Центром «Мой бизнес» оказываетпомощь предпринимателям Мордовии, предоставляя различные меры государственной поддержки бизнесу республики. Так, в рамках национального...