«Родной кялень и родной литературань» Всеросийскяй конкурсть региональнай этапсонза сяськись, Мордовия Республикань Заслуженнай учительсь, Саранск ошень «Высота» 15№ Образованиянь центрань учительсь Марина Миронова аноклай молемс Казани. Тя конкурсть заключительнай этапоц ащи колма турста: заочнайста и кафта очнайста. Очнайсь ушеды 17 сентябрьста Татарстан Республикать столицаса.
Тядде финалти лиссь 112 педагог Россиянь 79 регионцта. Ётксост и мокшавась Марина Николаевна.
Вов мезе сон мярьгсь «Родной кялень и родной литературань» Всероссийскяй конкурсть финалсонза участиянь примаманц колга:
—Казаньца кармайхть кайгома рузонь, татаронь, чеченонь, башкиронь, вепсонь, долганскяй, корякскяй, нанайскяй, ненецкяй, хантыйскяй, шорскяй и лия кяльхне и, конешна, родной тейне кяльсь—мокшеннесь!
Конкурссь салси мяль сембоса! Ёран васедемс лия региоттнень эзда учительхнень мархта, сяда крхкаста арамс содафокс кялень образованияса практикатнень мархта и кайгиста ювадемс: «Казань, шумбрат!»
А минь карматама кирдема мокшенданьконь Марина Мироновать инкса!
Татьяна Альшина.
О нас
«Мокшень правда — одна из старейших газет России, она основана в 1921 году. Это единственная газета в стране и мире, выходящая на мордовском-мокша языке.
Архив новостей
Контакты
Главный редактор - 24-57-73
Заместитель редактора - 24-42-51
Ответственный секретарь-24-57-03
Бухгалтерия - 24-42-68
E-mail: mokshenpr@e-mordovia.ru
Социальные сети
© 2026 "МОКШЕНЬ ПРАВДА". ВСЕ ПРАВА ЗАЩИЩЕНЫ. 16+