Артём Здунов:«Эрь идти—цебярь образования»

Тонафнемань од кизоть карша Мордовияса ётафтовсь «Перспективы обновления: от прогнозов к стратегиям» республиканскяй образовательнай форумсь. 24 августста форумть пленарнай заседаниясонза примась участия МР-нь Оцюнясь Артём Здунов.

Педагогическяй конференциять работанц ушедомда инголе региононь руководительсь ванозе интерактивнай проектнай выставкать, конань аноклазь республикань школьникне.
Пленарнай заседаниянь участникненди видеообращения мархта пшкядсь РФ-нь просвещениянь министрсь Сергей Кравцов. Сон мярьгсь, што Россияти эряви сувамс образованиять качестванц коряс миронь кемонь странатнень ёткс.
«Самай образованиясь и питнишитне, конат максовихть идти воспитандамстонза, тиендьсамазь минь фкя, фкя-фканкса ащи народкс, пуропнесазь и кемокснесазь минь странаньконь. Россиянь Президентсь Владимир Путин азозе российскяй образованиянь системать главнай принципонц—справедливайшинц. А тя корхтай сянь колга, што эрь идти, коса ба сон афоль эря и кодама семьяса афоль каса, улель кода получамс качественнай образования»,—мярьгсь Артём Здунов.
Мордовиянь Оцюнясь мярьгсь, што цебярь образованиясь ушеткшни тяниень пингонь инфраструктураста. «Образование» нацпроектть и федеральнай лия программатнень вельде аньцек тядде нолдаф 1,2 миллиартта лама цалковай Мордовиянь образовательнай учреждениятнень материально-техническяй базаснон кемокстаманкса.
2022 кизоня панжеви Саранскяйса Кировонь лемса ульцяса идень сад, сай кизоня аделави Тавлинскяй набережнайса школать и саранскяй коррекционнай школать строямасна.
2023-2024 кизотнень арьсекшневи строямс нинге 3 школат—Ромодановскяй райононь Белозерье велеса од корпусть и Саранскяйса кафта школат. Мордовиянь Оцюнясь стане жа азозе, што башка мяль шарфтома иттнень пси ярхцамбяльда андомаснон лангс.
«Арьсян, што эряви полафтомс иттнень мархта работати, воспитательнай процессти малаткшнемать. Тейнек эряви сяда оцю мяль шарфнемс духовностти, историческяй питнишитнень лангс. Республикаса содамошит макссема машттама, тянь колга корхтайхть олимпиаднай движениянь результаттне. Воспитательнай ширесь сяда келиста эряви нолямс тевс учебнай платтненди»,—мярьгсь Артём Здунов.
Тядде тонафнемань кизось ушеды воспитаниянь сфераса од ушетксса. Школатнень эса эрь недяляня кармай ётафневома государственнай флагть кеподемац и Россиянь Гимнать кулхцондомац. 5 сентябрьста сявомок кармайхть ётафневома «Разговоры о важном» класснай частт. Тяда башка, образовательнай учреждениятнень эса кармайхть работама воспитаниять коряс советникт. Синь главнай задачасна—ладямс воспитательнай работать тяфта, штоба иттне аральхть культурнай и спортивнай мероприятиянь, патриотическяй акциянь и проектонь участникокс.
Духовнай воспитаниять важнайшинц ширенц кирдезе Саранскяй и Мордовскяй митрополитсь Зиновий.
Единай образовательнай пространствать сувафтоманц колга эсь докладсонза азондсь Мордовиянь образованиянь министрсь Елена Солдатова. Сон лотксесь государственнай образовательнай стандартть одкстоптомань тематнень, олимпиаднай движениять виияфтоманц и шиньберьфонь принципть коряс школьнай процессть тиеманц лангс.
Конференциянь участникнень инголе стане жа корхтасть М.Е.Евсевьевонь лемса МГПУ-нь ректорсь Марина Антонова и Н.П.Огарёвонь лемса МГУ-нь ректорсь Дмитрий Глушко.
Мордовиянь школьникне няфтезь Артём Здуновонди «Имя героя—школе» Мордовиять картанц, конань эса няфтьф республикань 125 школась, конатненди ули кода каннемс геройхнень—народнай учительхнень, спасательхнень, военнай действиянь участникнень лемснон.
Форумть пингста максфтольхть государственнай казнет.
Российскяй Федерациянь Президентть Указса «Наставничествать инкса» отличиянь знакса казьф Саранскяй политехническяй техникумонь производственнай обучениянь мастерсь Ольга Федякова. «Мордовия Республикать виияфтомаса оцю путксонкса» Мордовия Республикань Оцюнять Почётнай знакса казьф асу иттненди Республиканскяй лицеень директорсь Евгений Вдовин.

Последние новости

В Мордовии растет количество госзакупок у самозанятых

Одно из ключевых направление национального проекта «Малое и среднее...

В Мордовии благоустраивают общественные территории 

В Рузаевке в рамках федерального проекта «Формирование комфортной городской...

Команда «Бизнес-десанта»проконсультировала предпринимателей Торбеевского района

Центр «Мой бизнес»проводит активную работу в районах Мордовии по...

В Мордовии ведется капитальный ремонт дороги до с. Новая Карьга

ВКраснослободском районе Мордовии приступили к капитальному ремонту автодороги «Подъезд...

Лидерствань национальнай школась пуропнезень од ломаттнень

Ётай недялять, 4-5 июльста, Саранскяйса ётафтовсь «Лидерствань национальнай школа»...

КАТК СЕМБЕ АРЬСЕФСЬ ЁТАФТОВИ ЭРЯФС!

Вов ни мзяроце кизось мельцек пара койс коре Поволжьянь...

Тройцясь—Малавса

Святой Тройцять келиста отмечсесазь пцтай эрь велеса. Цебярь тяфтама...

В Мордовии растет количество госзакупок у самозанятых

Одно из ключевых направление национального проекта «Малое и среднее предпринимательство» - это поддержка самозанятых.  Почти 4,5 млрд рублей по России составил общий объем закупок у...

В Мордовии благоустраивают общественные территории 

В Рузаевке в рамках федерального проекта «Формирование комфортной городской среды» национального проекта «Жилье и городская среда» идет благоустройство Аллеи Славы на улице Куйбышева. Эта...

Команда «Бизнес-десанта»проконсультировала предпринимателей Торбеевского района

Центр «Мой бизнес»проводит активную работу в районах Мордовии по информированию предпринимателей о возможностях государственной поддержки. На этой неделе специалисты провели встречу с представителями малого...