Колмогемоньда лама киза покоди школаса

Кяшал велень средняй общеобразовательнай школань немецкяй кялень учительсь, педагогическяй трудонь ветеранць Лидия Павловна Очкина аф кунара отмечазе эсь 55 кизонь юбилеенц. 33-ть эздост лемдезень школати. Юбилеенц мархта мокшавать поздравляндазь учениконза, синь тядясна-алясна и учитель ялганза.
1990 кизоня Лидия Руськинась аделазе Н.П.Огарёвонь лемса Мордовскяй госуниверситетонь филологическяй факультетонь мокшэрзянь отделениять. Покодема прважазь Атюрьевскяй райононь Алдонь Пишляй велень кафкса кизонь школав, коса сисем кизот вятсь рузонь кялень и литературань урокт. 1997 кизоня ётась Кяшалонь школав. Эстонь директорсь С.П.Девятаев васенда сявозе кувалготф шинь группав воспитателькс, а меле ётафтозе немецкяй кялень учителькс. И вов ни 27-це кизось покоди тя школаса. Лидия Павловнань учениконза примсихть участия райононь олимпиадатнень, пялькстоматнень эса и занцихть аф кальдяв вастт.
Руськиттнень семьяса ашельхть учительхть. Лидия Павловнань родителенза, Анастасия Павловна и Павел Филиппович, простой ломаттельхть. Соньдедонза башка семьяса нинге колма брадонзоль. Виктор Павлович—полициянь майор. Сембе эсь эряфонц максозе Атерень внутренняй тевонь отделти, покодсь участковайкс. Николай Павлович сотозе эряфонц велень хозяйствать мархта. Вузса тонафнемада меле трудендакшнесь главнай инженеркс велень хозяйствань предприятияса. Фёдор Павлович покодсь ГАИ-са. Лидия Павловна лац тонафнесь вузса. Трудонь оцю сатфксонза апак приметак ашесть ляда. Сон казьф лама казнеса. Фкять эздост получазе аф кунара. Российскяй Федерациянь сенаторсь П.Н.Тултаев макссь Л.П.Очкинати Благодарственнай сёрма.
Кепотьксокс Кяшал велеса ащи и Лидия Павловнань семьяц. Мирдец, Сергей Яковлевич, водитель. мирттне-рьвятне касфтсть кафта цёрат. Владислав эряй Инсараса. Аделазе М.Е.Евсевьевонь лемса МГПИ-нь физико-математическяй факультетть. Очкиттнень рьвянясна, Наталья Васильевна, рузонь кялень и литературань учитель. Касыхть колма шабасна. Лидия Павловнань и Сергей Яковлевичень Виктор цёрасна—СВО-нь участник. Аф кунара сашендсь Кяшалу отпускс.
Школада меле Лидия Павловна эряскоды куду. Но аф ваймама. Пирьфоц пяшксе жуватада. Синь урядамат, симдемат-андомат. А тоса аноклай урокс. Тяфта ётнихть шитне, кизотне. Лидия Павловна вестевок ашезь каендакшне, што лядсь вели.
Илья ВЕШКИН.
Снимкаса: Л.П.Очкина
учениконзон мархта.

Последние новости

Саранск встретил март «Весенней ярмаркой подарков» 

1 марта в столице региона, при поддержке Министерства экономики,...

В Региональный сосудистый центр №2 поступает новое современное оборудование

Региональный проект «Борьба с сердечно-сосудистыми заболеваниями» национального проекта «Здравоохранение»...

ПОСЛАНИЕ ПРЕЗИДЕНТА

Инициативы Президента Владимира Путина по итогам послания Федеральному Собранию  29...

Благоустройство Дубенского района Мордовии

Центральная площадь вс. Дубенки, 2 общественные территории в с....

Президентть Посланияста

 Башка мяль Владимир Путин эсь Посланиясонза шарфтсь образованиять качестванцты....

Саранск встретил март «Весенней ярмаркой подарков» 

1 марта в столице региона, при поддержке Министерства экономики, торговли и предпринимательства Республики Мордовия и регионального Центра «Мой бизнес» открылась «Весенняя ярмарка подарков». Традиционно...

В Региональный сосудистый центр №2 поступает новое современное оборудование

Региональный проект «Борьба с сердечно-сосудистыми заболеваниями» национального проекта «Здравоохранение» предусматривает профилактику развития данного диагноза у пациентов с высоким сердечным риском. Для достижения этой цели...

ПОСЛАНИЕ ПРЕЗИДЕНТА

Инициативы Президента Владимира Путина по итогам послания Федеральному Собранию  29 февраля 2024 года Послание Президента – это, по сути, программа развития страны, образ будущего, который выходит...