М.Е.Евсевьевонь лемса МГПУ-ть проектоц сатсь премия

9 декабрьста «Языковая политика в Российской Федерации» форумть мяльс сявозь азфт «Ключевое слово» кяльхнень аф фкя лацонь ванфтоманкса VI Всероссийскяй общественнай премиянь сяськихнень лемсна. М.Е.Евсевьевонь лемса МГПУ-ть «Мокшэрзянь кялень школа» проектоц арась инь цебярь мультимедийнай проектокс. Сонь эряфс ётафтомасонза активнай участия примайхть университетонь преподавательхне и студенттне.
Проектсь—мокшэрзянь кяльхнень тонафнемаснон коряс учебно-методическяй комплекс. Сон няфтьф МГПУ-ть официальнай сайтсонза и «MOODLE» дистанционнайста тонафнемань системаса. Школань слушателькс ули кода арамс эрти. Проектть мяльс сявозь кафта кяльса тиендевихть и путневихть интернету видеоурокт, конатнень вятьсазь филологическяй факультетонь студенттне. Родной кялень и литературань кафедрань преподавательхнень руководстваснон ала синь аноклайхть уроконь сценарийхть, презентацият, кочксихть теест культурань и кялень тематикас коре образовательнай и касомань-вииямань материалхт. Мокшэрзянь кяльхненди тонафнемась мольфтеви онлайн-режимса (расписанияс коре) и питнефтома.
Тядде «Ключевое слово» Всероссийскяй общественнай премияти максф 232 заявка Российскяй Федерациянь 61 субъектста, а стане жа Беларусь Республикаста.