Наталья Митина—родной кялень иньцебярь учительсь

Аф кунара Саранскяйса 32№ школаса ётафтовсь «Родной кялень и родной литературань инь цебярь учительсь» Всероссийскяй конкурсть муниципальнай этапоц. Пялькстомать очнай этапозонза кочкафтольхть вете участникт 19-ста. Ётксост ульсть аф аньцек учительхть, но и воспитательхть, конат вятихть национальнай кружокт идень саттнень эса.
Мелять коряс конкурссь кой-мезьса полафтсь. Тядде жюринь члеттне няезь педагокнень работаснон эсь сельмоса—оффлайн-форматса.
Панжада урокта башка, педагокненди эрявсь ётафтомс мастер-класс тонафнихненди.
«Родной кялень и родной литературань инь цебярь учительсь» Всероссийскяй конкурсть муниципальнай этапсонза сяськсть и республиканскяй этапозонза лиссть Саранск ошень 20№ гимназиянь эрзянь кялень учительсь Ирина Шульгова и Николаевскяй средняй общеобразовательнай школань мокшень кялень учительсь Наталья Митина. Поздравляндасаськ педагокнень сяськомаснон мархта!
Наталья Дмитриевнань колга сяда келиста азонттама газетаньконь сай номерсонза.