Республикань школьникне ПФО-нь Интеллектуальнай олимпиадань призёрхнень лувкссот

Тифт итокт Приволжскяй федеральнай округонь Интеллектуальнай олимпиадати. Призёрхнень лувксс сувасть и Мордовиянь школьникне.
«Робототехника» номинацияса I вастть занязь Рузаевскяй районцта Андрей Бодров и Илья кисаров. Участникненди эрявсь кочкамс конструкторста робот и программировандамс сонь заданиянь тиемати.
«Программирование БПЛА» номинацияса II вастть занязь Зубово-Полянскяй районцта Артём Глазков и Никита Афонин. «Пилотфтома лиенди аппараттнень программировандамасна»—од направления, участникненди мярькфоль ётафтомс дроттнень перяфкс мархта трассава и программировандамс синь цебярьста лиемати.
«Поздравляндасайне школьниконьконь Приволжскяй федеральнай округонь Интеллектуальнай олимпиадань казнетнень сатомаснон мархта»,—пшкядсь подросткатненди региононь Оцюнясь Артём Здунов.
Лятфтасаськ, Мордовиять Пермьса окружной этапса няфтезь региональнай отборочнай туронь 13 сяськись: «Тавла» образованиянь центрань, Саранскяень 43№ лицеень, «ЮНИТЭР» дополнительнай образованиянь рузаевскяй центрань, Зубово-Полянскяй «Ударная средняя общеобразовательная школа» МБОУ-нь ученикне.
Общественнай проектсь ётафневи эряфс ПФО-са Россиянь Президентть полномочнай представителенц Игорь Комаровонь патронатонц ала.