Рувики

РУВИКИ интернет-энциклопедиясь нолдась тевс Россиянь нароттнень кяльсост од разделхт. Тячиень шиста сявомок энциклопедиять ули кода лувомс мокшень, эрзянь алтаень, тувань, удмуртонь, чувашень кяльса. 2023 кизонь ноябрь ковть песта сембонди няевикс тифтольхть башкиронь, мариецонь, татаронь, чеченонь разделхне.
Кялень разделхнень тиемаснон главнай целец — тиемс фкя лацонь возможностть Россиянь сембе эряйхненди, тиемс площадка, коса сембонди ули кода полафтомс содамошиса и получамс информация тядянь-алянь кяльса.
2023 кизоня РУВИКИ интернет-энциклопедиять интерфейсоц тифоль 20 кяленди: алтайскяенди, башкирскяенди, бурятскяенди, вепскяенди, ингушскяенди, калмыцкяенди, комиенди, коми-пермяцкяенди, марийскяенди, рузонди, татаронди, тувинскяенди, удмуртскяенди, хакасскяенди, чеченскяенди, чувашскяенди, эрзянь и мокшенди.
Мокшень и эрзянь кяльхнень пяльксснон вятисна Валентина Гришунина и Александр Данильчев — филологиянь наукань кандидаттне. Мзярс сембе тефне эсонза аньцек тяряфнемань ки лангсот. РУВИКИ-сь – тя од интернет-энциклопедия. Проектсь васенцеда ульсь няфтьф 2023 кизонь интернет-форумса. Од интернет-энциклопедиясь нолдаф тевс шачема кяльса сембе корхтайхненди. РУВИКИ-са ули кода сёрмадомс эрь ломанти. Но азфть-сёрматфть видешинц ванцазь-кемокстасазь аньцек профессионалхне. Интернет-энциклопедиять питнец видешиса, панжада корхтамаса и тёждяшиса.