Содафт «Кизонь инь цебярь учительсь» конкурсса сяськихнень лемсна

Атерь велень 1№ средняй общеобразовательнай школать видеса ётафтовсь «Кизонь инь цебярь учительсь» Россиянь пялькстомать муниципальнай этапоц. Эсонза примасть участия колма учительхть. Нят Н.Е.Вергасова, Л.С.Сяткина, Г.В.Лёвина, конат покодихть райцентрань 1№, 2№, Каргоньжяень средняй общеобразовательнай школатнень эса. Тя пялькстомась ётафтовсь кафта турса: «Учитель—профессионал», «Учитель—мастер» лем ала. Васенце турса учительхне няфтезь эсь визитнай карточкаснон, макссть панжада урокт. Н.Е.Вергасова ётафтсь математикань урок нилеце, Г.В.Лёвина—ветеце класснень эса. А Л.С.Сяткина эсь панжада уроконц ётафтозе нилеце класса. Сон лемтьфоль литературнай лувомати. Урокса ванондозь В.П.Астафьевонь «Стрижонок Скрип» рассказонц.
«2023 кизонь инь цебярь учительсь» пялькстомаса однякс ульсь «Воспитаниянь событиясь». Колмоцьке участникне ётафтсть класснай частт, коса лятфтазь, што сяда питни козяши, кода семьясь, родной крайти кельгомась, ломанти аш.
Пялькстомась ульсь мялень салай. Жюрись азозе сяськить лемонц. Тя Атерь велень 1№ средняй общеобразовательнай школань начальнай классонь учительсь Н.Е.Вергасова. Сон араласы районть честенц республиканскяй пялькстомаса.
Илья Вешкин.