Терневихть школьникне олимпиадас

Школьникне, синь тонафтысна и тядятне – алятне терневихть родной кяльхнень и Российскяй Федерациянь народонь литературатнень коряс Федеральнай олимпиадаса примамс участия.
2025 – 2026 тонафнемань кизоть тя оцю проектсь ётафтови ни ветецеда. Олимпиадать анокласы М.К.Аммосовонь лемса Северо – Восточнай федеральнай университетсь наукать, образованиять и культурать коряс Федерациянь Советть Комитетонц лезксонц вельде.
Олимпиадась – образованияса оцю ила и ётафтови сон 57 профилень коряс. Проектть анокламаса и ётафтомаса тертьфт странань 36 ведущай университет.
«Родной кяльхть» профильсь сувафтф 2025-2026 тонафнемань кизонь РФ-нь Минобрнаукань школьниконь олимпиадатнень лувксс.
Олимпиадаса сяськихненди и призёрхненди вузу поступамста улихть тяфтама условият:
РФ-нь кой-кона высшай учебнай заведениятненди поступамста примавихть вступительнай экзаменфтома (кда рузонь кяльса ЕГЭ-са получась 75 и сяда лама балда).
ЕГЭ-са получась 100 балл соответствующай предметса.
Поступамста максови дополнительнай балхт, кда примась участие олимпиадаса специальностень профильса.
Олимпиадась ётафтови кафта этапса.
Васенце (кочкамань) этапсь ётафтови дистанционнайста тяддень 11 ноябрьста сявомок сай кизонь 11 январьти молемс.
Омбоце (мекольце) этапсь ётафтови очнай форматса М.Е.Евсевьевонь лемса Мордовскяй госуниверситетть видеса сай кизонь февральста – мартста.
Олимпиадас нолдавихть сятне, конат ётайхть эрявикс профильс регистрация Олимпиадань платформаса, тяфтама адрес коре: https://olympiadsvosh.s-vfu.ru
Методическяй и информационнай материалхне путфт Олимпиадань ётафтомань платформати: https:// olympiadsvosh.s-vfu.ru/materials/107
Организационнай тефнень колга, конат сотфт «Мокшень кяль и литература», «Эрзянь кяль и литература» профильхнень мархта кизефтеда Налдеева Ольга Ивановнань тяфтама телефон коряс: 88342339351; 89093285012 .
Тернесаськ 8 – 11 классонь тонафнихнень примамс участие олимпиадаса. Арьсетяма сяськома, од содамошит, цебярь ялгат!