Тонафнемань од кизоти школатнень анокламасна. Мезе однясь?

10 августста «Мордовия Республика» пабликса Мордовия Республикань образованиянь министрсь Е.П.Солдатова азондсь тонафнемань од кизоти школатнень анокламаснон колга, а стане жа отвечась и лия кизефкснень лангс. Прямой эфирсь ётафтовсь Мордовия Республикань ЦУР-ть ширень кирдеманц вельде.
Газетаньконь тячиень номерсонза макссаськ кой-кона кизефкснень и лангозост ответтнень.

—Мезе однясь учсыне школаса тонафнихнень и синь тядяснон-аляснон тонафнемань од кизоня?
—Августть шумордамац фалу ульсь и ляткшни «пси» пингокс школав моли иттнень тядяснонды-аляснонды, синь мала ломаньцнонды. Ламотне гайфнихть, макссихть кизефкст. Тя корхтай сянь колга, што синь аф ащихть озадонь седихть и педагокнень мархта марса таколдыхть школатнень эса тонафнемань тевть мольфтеманц, тонафнемань од кизоти анокламать колга.
Кда корхтамс однять колга, 1 сентябрьста вийс сувайхть Федеральнай государственнай образовательнай одкстоптф стандарттне. «Образование» национальнай проектть мяльса кирдезь сяда тов мольфтеви школатнень тяниень пингонь оборудованияса козякофтомасна. Саранск ошень округса панжеви школьнай нинге фкя Технопарк. Тяда башка, образовательнай кой-кона организациятнень эса шумордави капитальнай ремонтсь.
—Кодама школат строявихть Саранскяйса?
—Мольфтеви 1450 вастонди Химмашса школать строямац. Юго-западса арьсекшневи строямс 800 вастонди школа. Тяда башка, Мордовия Республикань Оцюнясь примась решения—Ромодановскяй райононь Белозерье велеса пристрой лаца тиеви 165 вастонди од корпус.
—Саранск ошень 26№ лицейса тядде колма васенце класст, эрть эса нильгемонень ломань, кда тянь вастс улель кода пуроптомс ниле васенце класст. Мес тяфта лиссь?
—Тянь колга корхтама мольфтевсь ни образованиянь Управлениять муниципальнай органонц руководителенц, 26№ лицейть директоронц мархта, сяс мес тя кизефкссь максфоль республикань Образованиянь министерствав. Лицейса тяниень пингть тонафнемась мольфтеви кафта сменаса. Маластонь кафта недялятнень карматама работама тя кизефксть коряс.
—Мезе полафты тяддень тонафнемань кизоня безопасностень системаса целайнек? Сувафтовихть-аф кодамовок полафткст?
—Безопасностень системати шарфневи башка оцю мяль. Тя кизефксть кеме контроль ала кирдьсы региононь руководительсь. Образованиянь системати эрь кизоня макссевихть дополнительнай средстват образовательнай объекттнень аралафокс улемаснон коряс тевть кемокстаманцты. Меля сембе школатне, техникупне, колледшне, идень кой-кона саттне получасть металлоискателень рамкат. Нинге ладяфт школав сувамать контроленц коряс системат. Образовательнай кой-кона учреждениятне ётнихть специализированнай охранати—тя тевсь кармай мольфтевома этапонь этап. Тяни латцевихть видеонаблюдениясь и шумордаф периметрать коряс перяфксть тиемац. Азома сявок, што безопасностень мератне ащихть башка вастса сембе школатнень эса: ошеннетнень и веленнетнень.
—Аф кржа кизефкс максфоль школаса тонафнихнень андомаснон колга. Ламось, улема, тя тевса ащи пищевой блокнень работаснон эзда. Тядятне-алятне пеняцясть ярхцамбяльть кельмоста макссеманц, фкакс ащи менют, ёмла порциятнень улемаснон лангс и стак тов.
—Республикаса оцю мяль шарфневи школаса тонафнихнень пси ярхцамбяльса андомаснон лангс. Таколфтсамазь тянь мархта сотф эрь кизефкссь, конань макссесы тядясь или алясь.
1 класста сявомок 4 классти молемс сембе иттне кармайхть анневома питнефтома (макссеви весть). Ограниченнай возможность мархта или лафчста обеспечендаф семьятнень эзда шабатненди тяфтама питаниясь макссеви кафксть шити.
Нинге тифт родительскяй контролень группат—теест ули кода проверямс школьнай столовайхнень.
—Ули-аш школать правац кошярямс тядятнень-алятнень рамсемс рабочай тетратть?
—Кда школась примай решения, што тя или тона образовательнай программать эряфс ётафтоманкса питнефтома учебникта и пособияда башка эрявксты нинге рабочай тетрадь, а сон аф сувси учебниконь федеральнай ся комплектти, кона макссеви питнефтома, эста школати обеспечендамат иттне рабочай тяфтама тетрадьса. Тядятнень-алятнень ярмакснон лангс рабочай фкявок тетрадь, фкявок учебник рамафтомс аш кода. Кда тяфта косовок ащи тевсь, гайфтеда 39-18-00 телефонть коряс.
—Школаса улихть фкя-фкянь аф шарьхкодемат школьнай формать коряс. Цють ли аф фкя тюсонь колготкат кошяряйхть рамсемс.
—Тянь мархта сотф пшкядемат ширезонк ульсть ни. Лятфтаса, тя или тона образовательнай организациять локальнай актонц мархта примсеви школьнай формать колга марстонь положениясь. Сон ётни тядятнень-алятнень мархта согласования. Эсонза улихть школьнай формать колга башка вастт: азф материалсь, конань эзда стаф школьнай формась—стирнятненди платья и акша/равжа тюсонь фартук или юбка, жилетка, блузка и стак тов. Но тяса корхтамась мольфтеви предметтнень наборснон, конатненди улема школьнай формать составса, тюсть и качествать колга, штоба качествась отвечаль санитарно-гигиеническяй вешфксненди. Но вешфксне, штоба вов тя, а аф лия формась улель рамаф, вов тя, а аф лия производительть кядьста, вятихть сянди, штоба минь или тядятне-алятне пшкяделеме эрявикс службатненди и оргаттненди. Тянь вешемс и тиендемс школатнень аш правасна.
—Тядятне-алятне макссихть национальнай кяльть, кона сувафтф программати, тонафнеманц коряс кизефкст. Кой-кинь мяльс тя аф тушенды.
—Тя кизефксть яволине кафта пяльксова. Улихть тядят-алят, конат тя кизефксть макссесазь, а улихть стама шачфтыхть-касфтыхть, конат шабатнень мархта примсихть участия тя или тона пуромкснень эса. Синь валснон коряс, родной кяльть тонафнемац—цебярь и эрявикс тев. Эрятама Мордовия Республикаса. Сонь культуранц, коензон-обуцянзон вельде кяльть мархта содафтомась—тя фалу пара тев, и минь карматама мольфтемонза сонь сяда тов.
Образованиянь министрсь Е.П.Солдатова азозе, што 1 сентябрьста сявомок эрь школаса школьнай эрь недялясь кармай ушеткшневома Россиянь Флагть кеподеманц и Российскяй Федерациянь Гимнать кайгоманц эзда. Флагть кеподеманц коряс правась кармай макссевома ётаф недялянь инь цебярь тонафнихненди.
Нинге кармайхть инь эрявиксть—историять, тячиень шить и лиять колга корхнемань урокт.

Последние новости

Нацпроект и снижение смертности при ДТП

В рамках национального проект «Безопасные качественные дороги» в Мордовии...

В Мордовии продолжается реконструкция районных домов культуры

Торбеевский дом культуры – центр притяжения всего района. Здание...

Дискуссия по развитию БРИКС прошла на Всемирном фестивале молодёжи

В рамках Всемирного фестиваля молодёжи в субботу, 2 марта,...

Саранск встретил март «Весенней ярмаркой подарков» 

1 марта в столице региона, при поддержке Министерства экономики,...

В Региональный сосудистый центр №2 поступает новое современное оборудование

Региональный проект «Борьба с сердечно-сосудистыми заболеваниями» национального проекта «Здравоохранение»...

ПОСЛАНИЕ ПРЕЗИДЕНТА

Инициативы Президента Владимира Путина по итогам послания Федеральному Собранию  29...

Благоустройство Дубенского района Мордовии

Центральная площадь вс. Дубенки, 2 общественные территории в с....

Нацпроект и снижение смертности при ДТП

В рамках национального проект «Безопасные качественные дороги» в Мордовии реализуется региональный проект «Безопасность дорожного движения». Одна из его задач – сокращение смертности в результате...

В Мордовии продолжается реконструкция районных домов культуры

Торбеевский дом культуры – центр притяжения всего района. Здание построено в 1974 году и давно требовало ремонта. В 2023 году по национальному проекту «Культура»...

Дискуссия по развитию БРИКС прошла на Всемирном фестивале молодёжи

В рамках Всемирного фестиваля молодёжи в субботу, 2 марта, прошла дискуссия «БРИКС: новые вызовы в эпоху глобального развития». На мероприятии также прошли дебаты «Приоритеты и...