Тяса аноклайхть афкуксонь патриотт

Рузаевскяй райононь Трускляй велень школась содаф цебярь тевонзон мархта. Тястонь тонафнихне сявондьсазь васенце и омбоце васттнень эрь кодама пялькстоматнень и олимпиадатнень эса, школаса ётафневихть семинархт, васедемат мокшень кяльть и литературать сяда тов вельмофтемаснон коряс. Тяса афкукс ванфнесазь минцень коеньконь-обуцяньконь. Школань музейса кочкаф велеть сембе историяц. Тянь ширде оцю работа тись и тянивок тиенди школань тонафтысь Ф.Ф.Полынов, кона казьф «Патриот России» медальса.
—Филипп Фёдорович—ломанць Шкайть эзда,—ушедсь азондома Трускляй велень школань директорсь Л.П.Иляева.—Тя сон шабатнень мархта якась велеряйхнень кудга, кизефнесть, кочксесть сире пингонь паршихть: кядьгонят, щапт-каряпт, котфонь кодама станокт, самовархт, утюкт и лама лия мезе. Тяни сембе тя паршись мазопнесы школаньконь музейнай комплексонц, коса кочкаф сядот экспонат.
Трускляй велень школаса тонафнихть мокшет, руст, армятт, лия национальностень шабат, но сембе синь васенце вастса кирдьсазь фкя-фкянь шарьхкодемать, ялгаксшить. Мокшень стирнятне и цёранятне мяль вельде тонафнесазь лия национальностень шабатнень содамс минь кяленьконь. И, ванат, аф лама пингонь ётазь пцтай аруста ни корхтайхть мокшень кяльса. Тяфта ульсь школаса исяк, тячи и кармай вандывок.
—Минь школасонк лац ётафневи эряфс «Точка роста» Российскяй программась,—сяда тов азонды Любовь Петровна.—Тянкса панчф и работай специальнай класс. Тя программать целец, штоба и велень шабатневок афольхть ляда ширеса тячиень тонафнемань процессти однянь сувафтомаса. Тя класса улихть тяниень пингонь программа мархта од компьютерхт, ётафневихть эрь кодама налхксемат, козя спортивнай инвентарсь, иттне заняфт шахматса, шашкаса. Тя классь работась и кизонь каникулатнень пингста.
Сембось тя азонды аф аньцек иттнень содамошиснон кемокстамаснон, но и сяда лац эсь пряснон анокламаснон колга вандыень эряфти, профессиянь кочкамати. Ня занятиятне ётнихть интереснайста, иттне тяза сашендыхть оцю мяль вельде, эрь шиня.
Школаса лац ладяф патриотическяй воспитаниясь. Тяса ётафневихть васедемат войнань участникнень и тылонь труженикнень мархта, шабатне кепотьф мяльса примсихть участия военнай темас лемтьф слёттнень эса. Школать видеса аф васенце кизось ни лац работай «Наследие» поисковай группась. Шабатне вешендихть од фамилият, даннайхть сятнень колга, кие ашезь мрда фронтста, школав каннесазь синь фотографияснон, фронтста кучф сёрмаснон.
—1 сентябрсь—Содамошинь ила. Сон лемтьф учительхненди, школаса тонафнихненди и сембонди сятненди, кие заняф образованиять мархта сотф тевса. Седи ваксста сембонди арьсян кеме шумбраши, пара тефт тонафнемань од кизоня, паваз и мзярдонга аф содамс стакат-сталмот, пичефкст,—мярьгсь меколи Трускляй велень директорсь, Российскяй Федерациянь общай образованиянь Почётнай работниксь Л.П.Иляева.
И тоньге поздравляндатядязь 1 сентябрень илать мархта, Любовь Петровна! Сембоса удалаза.
Н.Лобанов.
Фототне авторть.

Последние новости

РОССИЯНЬ ВОИНСКЯЙ СЛАВАНЬ ШИСЬ

23 февральсь—Отечествань Аралаень шись. 1918 кизоня тифоль Рабоче-Крестьянскяй Якстерь...

Госкомпании увеличили закупки у малого бизнеса Мордовии почти на треть

Общероссийский объём закупок крупнейших заказчиков у субъектов МСП по...

В Мордовии завершается строительство дома-интерната для престарелых и инвалидов

В Ичалковском районе завершается большая стройка. В рамках федерального...

Мазыхть мокшень стиреньке

Бта нинге аф кунара, мелять песта, «Мокшень правдась» тись...

Родькиттнень семьясна сувась сяськихнень лувксс

Аф кунара Москуса «Россия» Международнай выставкать видеса ётафтовсь «Родные—Любимые»...

Ётась эряфонь кувака ки

Мокшень писательсь Тимофей Андреевич Кирдяшкин сась мокшэрзянь литературав 1950...

РОССИЯНЬ ВОИНСКЯЙ СЛАВАНЬ ШИСЬ

23 февральсь—Отечествань Аралаень шись. 1918 кизоня тифоль Рабоче-Крестьянскяй Якстерь Армиясь.1993 кизонь 8 февральста Российскяй Федерациянь Верховнай Советть Президиумоц примась «Российскяй Федерациянь знаменательнай шить—Отечествань Аралайхнень...

Команда проекта #ПатриотКрафт из Мордовии провела мастер-класс по разработке сценариев патриотических игр в Мытищах Московской области

19 февраля в г. Мытищи Московской области на площадке АНОО «Ломоносовская школа-Зеленый мыс» прошел очередной мастер-класс по разработке сценариев патриотических игр, организованный командой грантового...

Госкомпании увеличили закупки у малого бизнеса Мордовии почти на треть

Общероссийский объём закупок крупнейших заказчиков у субъектов МСП по итогам 2023 года вырос до рекордных 8 трлн рублей. Благодаря национальному проекту «Малое и среднее...