Тяса тонафтыхть ванфтомс Родинать

Ковылкинскяй райононь Рыбкина велень общеобразовательнай школась панчфоль ведьгемонь кизода инголе. Тя пингста школаста лиссь лама сядот выпускник, конатнень ёткса содаф учёнайхть, Российскяй армиянь офицерхт, инженерхт, врачт, культурань и искусствань покодихть. Финцне заняфт мокшэрзянь масторса, кепсесазь республикать экономиканц, пчкафнихть ломатть, тиендихть од кудонь строямс проектт, лиятне—эсь содамошиснон и маштомошиснон няфнесазь тевса странань лия региоттнень эса. Но коса ба синь афольхть покоде, най лятфнесазь эсь школаснон, учительснон, конат водендазь виде кис, тонафтозь Родинать и шачема ширеть кельгома, улемс афкуксонь патриотокс.

—Минь школаньконь козя историяц. Тяса ётафневсть и тянивок ётафневихть разнай темас семинархт, олимпиадат, содаф ломанень мархта васедемат, спортса пялькстомат,—азонды школань директорть заместителец Елена Викторовна Кубасова.—Но васенце вастса, шарьхкотьф, иттненди содамошинь максомась. Тячиень шить школасонк лувондови комсь кафта тонафни. Тя ламоксть сяда кржа ётай кизотнень коряс. Сембе тонафтыхне—оцю опыт мархта, эсь тевонь кельги и эсь тевонь содай специалистт.
Классне Рыбкинань школаса валтт и лямбот, няевикс вастсот рузонь и мокшэрзянь писательхнень портретсна, Мордовиянь главнай символхне, патриотическяй темас кочкаф материалхне. Улихть краеведческяй уженят.
—А вов тя кабинетса одукс кочкавихть, лиякс латцевихть музеень экспонаттне,—сяда тов поладозе корхтаманц Елена Кубасова.—Сире пингонь паршида, щамда-карямда, кудъётконь инвентарьда кочкаф сняра, што тейнек эрявкстсь сяда оцю площадь мархта васта. Иттне оцю мяльса ванондсазь, тонафнесазь ня паршихнень.
Лама тиенди музейть вельмофтемаса Татьяна Сергеевна Каргина, кона кемоньда лама киза вяти мокшень кялень и литературань урокт. Татьяна Сергеевна кепотьф мяльса азонды иттненди писателеньконь творчестваснон и эряфснон колга, тонафтсыне шабатнень сяда лац содамс мокшень кяльть, эсь народоньконь историянц, коензон-обуцянзон.
—Минь школасонк тонафнихть и стама итть, конатнень тядясна-алясна руст,—азозе Т.С.Каргина.—Арси пяк лад мялезон, мзярда няйса, кода синь кельгозь, оцю мяль вельде тонафнесазь мокшень кяльть, ёрайхть сяда лама содамс мокшэрзянь писательхнень творчестваснон колга, лувондсазь синь произведенияснон. Кой-кона стирнятне-цёранятне пингонь ётазь ушеткшнихть лац корхтама мокшекс. А мон эсь ширден мезьса маштан лездан теест сяда товга кемокстамс фкя-фкянь ёткса ялгаксшить, шарьхкодемать, шачема ширети кельгомать. Главнайсь, аньцек улеза мирнай эряф, штоба сяда курок лоткафтовольхть ляцендематне, шавондоматне, фкя-фкянь лангс врьгятнематне. Сяда пара, мзярда панжихть марлюфне, панчфне, шобдава морайхть нармоттне, мзярда валда и туцяфтома менельсь!
Велень тонафтыть мархта азф валхнень эса и пичетьф, и кенярдема перьфпяльти, мирнай эряфти. Катк эрь кудса, эрь семьяса ули сетьме эряф, паваз, шачендыхть итть, сяда лямбоста эжди шинясь!
Н.ЛОБАНОВ.
Фототне авторть.

Последние новости

Рационализаторы Мордовии могут принять участие в образовательной программе

Минэкономразвития России совместно с АНО «Агентство развития профессионального мастерства...

Благодаря нацпроекту для бизнеса Мордовии прошёл уникальный стендап-семинар

Министерство экономики, торговли и предпринимательства РМ совместно с Центром...

В Зубовой Поляне прошел мониторинг выполнения народной программы «Единой России»

Партийный десант в составе  Главы Зубово- Полянского района, секретаря...

В Мордовии закупается оборудование для региональных сосудистых центров

В рамках регионального проекта «Борьба с сердечно-сосудистыми заболеваниями» национального...

Благодаря нацпроекту предпринимателей Мордовии научили успешно вести бизнес онлайн

Министерство экономики, торговли и предпринимательства РМ совместно с Центром...

Благодаря нацпроекту бизнес Мордовии узнал, как работать в рамках закона

Министерство экономики, торговли и предпринимательства РМ совместно с Центром...

Рационализаторы Мордовии могут принять участие в образовательной программе

Минэкономразвития России совместно с АНО «Агентство развития профессионального мастерства (Ворлдскиллс Россия)» реализует программу подготовки команд рационализаторов. Эта работа ведется в рамках федерального проекта «Системные...

Благодаря нацпроекту для бизнеса Мордовии прошёл уникальный стендап-семинар

Министерство экономики, торговли и предпринимательства РМ совместно с Центром «Мой бизнес» оказывает поддержку субъектам МСП Мордовии.В рамках Недели предпринимательства по национальному проекту «Малое и...

В Зубовой Поляне прошел мониторинг выполнения народной программы «Единой России»

Партийный десант в составе  Главы Зубово- Полянского района, секретаря Зубово- Полянского местного отделения партии Владислава Поршина  совместно с представителями родительского сообщества  и администрации Зубово-Полянской   школы  №1 имени Героя Советского Союза...