3 ноябрьста сявомок 8 ноябрти молемс кафксоцеда ётафтови «Этнографическяй оцю диктант» Международнай просветительскяй акциясь. Республикань эряйхне эрь кизоня примсихть активнай участия тя проектса. Диктантсь ётафтови Народнай единствань шинь карша (онлайн и офлайн форматса).
16 кизосотненди молемс участникненди заданиятне ащихть общефедеральнай 20 кизефксста. Сяда сире участникненди эряви отвечамс 30 кизефкс лангс, 20-сь конатнень эзда—фкя лацот сембонди, 10-ць—эсь лацоннет эрь регионти, а омба масторонь площадкатненди—лемтьфт ся васттненди, конат сотфт РФ-ть ичкоздень вастонзон мархта. Сёрмадомань пингсь—45 минута.
Примамс участия офлайн ули кода 3 ноябрьста 10.00 частста Атяшевань Национальнай культурань и ремеслань центраса или 7 ноябрьста 13.00 частста А.С.Пушкинонь лемса Национальнай библиотекаса (Саранск ошсь, Б.Хмельницкяень ульцяц, 26№ кудсь).
Отвечамс кизефкснень лангс ули кода онлайн форматса 3 ноябрьста сявомок 8 ноябрти молемс www.mirento.ru официальнай сайтса.