РФ-нь Правительствась дополнительна макссь Мордовияти 324 миллионда лама цалковай Саранскяйса 600 вастонди школань строямс. Тяфта, 2024 кизоня федеральнай бюджетста республикаса тонафнемань заведениятнень строямаснонды поступай средстватнень марстонь объёмсна ули 1 миллиард 132 миллион цалковай. Ня ярмакнень лангс стане жа строяви Ромодановскяй райононь Белозерьевскяй школаса од корпус.
Тянь колга распоряжениять алу кяденц путозе РФ-нь премьер-министрсь Михаил Мишустин. Документсь примафоль Президентть поручениянц пяшкодеманц мяльса кирдезь, конань государствань оцюнясь максозе стратегическяй касомать-вииямать и национальнай проекттнень коряс Советть заседаниянц итогонзон коряс. Советть заседанияц ульсь 2022 кизонь декабрьста.
Лятфтасаськ, 600 вастонди школась строяви од микрорайонца (Косаревонь ульцяц и Северо-восточнай шоссесь). Зданиясь кармай ащема тяниень пингонь кафта корпусста: начальнай и оцю классненди. Тифт ни коммуникациятне: отоплениясь, освещениясь, канализациясь. Максомс объектть эксплуатацияс арьсекшневи тядде.
Работатне мольфтевихть «Образование» нацпроектть «Тяниень пингонь школа» региональнай проектонц эряфс ётафтоманц мяльса кирдезь.
О нас
«Мокшень правда — одна из старейших газет России, она основана в 1921 году. Это единственная газета в стране и мире, выходящая на мордовском-мокша языке.
Архив новостей
Контакты
Главный редактор - 24-57-73
Заместитель редактора - 24-42-51
Ответственный секретарь-24-57-03
Бухгалтерия - 24-42-68
E-mail: mokshenpr@e-mordovia.ru
Социальные сети
© 2022 "МОКШЕНЬ ПРАВДА". ВСЕ ПРАВА ЗАЩИЩЕНЫ. 16+