17 августста Саранскяйса Мордовия Республикань Пресс-центраса тифоль ушеткс «Расставь приоритеты!» Всероссийскяй социальнай од кампаниять региональнай этапонцты. Тя кампаниясь лемтьф Российскяй Федерацияса кирашкнень эса кинь-транспортонь травматизмать мархта сотф прябалати. Ётафтови сон «Безопасные и качественные автомобильные дороги» национальнай проектть «Безопасность дорожного движения» федеральнай проектть эряфс ётафтоманц мяльса кирдезь Россиянь МВД-ть ки лангса безопасностть обеспечендаманц коряс Главнай управлениять и Российскяй Федерациянь Просвещениянь министерствать ширень кирдемаснон вельде.
«Расставь приоритеты!» социальнай кампаниять васенце тевоц—ки лангонь арнемань безопасностень правилатнень пяшкотькшнемаснон коряс культурать тиемац и штоба сонь мяльс сявонделезь ки лангонь арнемань сембе участникне.
Госавтоинспекциять 2021 кизонкса официальнай статистиканц даннаензон коряс, 10 ДТП-тнень эзда 9-тне тифт транспортнай средствань водительхнень мархта ки лангонь правилатнень коламаснон инкса.
Мордовияса тяддеть ётаф пингонц инкса тиф 384 ДТП, конань эса шавовсь 63 ломань, а 522 токафтольхть. Кирашкнень эзга ардомань правилатнень коламаснон сюнеда 2022 кизоня лиссь 111 ДТП.
Социальнай кампаниять вельде арьсекшневи виияфтомс кинь аф пелькс пространствать ответственностть касфтоманц и кирашкнень эса пелькснень шарьхкодемаснон вельде.
Пресс-центраса массовай информациянь средствань представительхненди «Расставь приоритеты!» социальнай кампаниять и сонь эрявиксшинц колга пачфтсть и кизефкснень лангс отвечасть Мордовия Республикать эзга МВД-ть ГИБДД-нц Управлениянц начальниконц заместителец А.В.Крайнов, Мордовия Республикань Транспортть и кинь хозяйствать коряс Государственнай комитетть председателец В.А.Кандрин, Саранск ошень округонь оцюнять заместителец—Саранск ошень округонь Администрациять Социальнай политикать коряс Департаментть директороц О.В.Шуляпова, «Движение без опасности» экспертнай центрать генеральнай директоронц заместителец, Российскяй Федерациянь Просвещениянь министерствать видеса Идень и од ломанень общественнай объединениятнень координационнай советонь членць В.А.Кульбицкая, лиятне.
Т.Альшина.