Аф нолдамс ки лангса зиян

Саранск ошса ладяф 33 проекционнай кинь ётама васта, конат лездыхть водительхненди и пешехоттненди лац-ряц няемс фкя-фкянь ки лангса.
«Тялонда ки лангса пелькссь арси сядовок важнайкс, сяс сембонди улема внимательнайкс. Ки лангонь правилатнень ваномасна и фкя-фкянь колга заботендамась—тя минь марстонь задачаньке!»—китькстазе МР-нь Правительствать Председателец Дмитрий Поздняков. Сон мярьгсь Саранск ошень оцюняти Игорь Асабинонди и муниципалитетонь оцюнятненди ваномс китнень ловть эзда урядамаснон мельге, штоба афоль уле эедькс и араламс ломаттнень эряфснон.