Мордовияса максфт грантт од ломаттненди
Ня шитнень Республикань Кудса чествовандафтольхть асу од ломаттне. Казнет и премият получасть школаса тонафнихне и студенттне, конат няфтезь эсь пряснон предметнай олимпиадатнень, научно-техническяй творчествань конкурснень, исследовательскяй тефнень эса, искусстваса, спортса, общественнай эряфса, профессиональнай конкурснень эса.
Мордовиянь Оцюнясь Артём Здунов мярьгсь: «Аф ваномок одонь кизонтень лангс, сатоде няевикс результатт, эрсь эсь отраслясонза. Миньге ёратама кирдемс ширентень. Президентоньконь инициативанц вельде школатнень эса панчсетяма «Точка роста» кабинетт, ётафнетяма модернизация. Кепотьксонди, тяни нльне велень школатнень эса ули специальнай оборудования, штоба работамс пилотфтома лиенди аппараттнень мархта, сяс мес тянь мельге вандыень шиньке. Эряви, штоба улельхть пяк оцю содамошит физикать, математикать коряс, штоба сяда тов улемс заняфокс робототехникаса».
Казнет од ломаттненди макссть Мордовиянь Оцюнясь Артём Здунов, МР-нь Правительствать Председателенц васенце заместителец Галина Лотванова, МР-нь образованиянь министрсь Елена Солдатова.
2024 кизоня васенцеда максфт Мордовия Республикань Оцюнять премиянза «Профессионалы» профессиональнай мастерствать коряс Чемпионатть итоговай (межрегиональнай) этапонц сяськиензонды и призёронзонды. Тяфтама фкя премиянь сатыкс арась Герман Чертоусов—Саранскяень электромеханическяй колледжть шумордаец, «Специалист по тестированию игрового программного обеспечения» компетенцияса сяськись. Тяни Герман—Саранскяень кооперативнай институтонь студент, нинге сон родной колледжсонза производственнай тонафнемань мастер. «Оцю сюкпря Артём Алексеевиченди и республикань Правительствати сай пингозонк путксонкса. Тисаськ семботь великай державаньконди и республиканьконди нежекс и гордостень маряма вастокс араманкса»,—мярьгсь сон.
А.И.Полежаевонь лемса энергетикань и электроннай техникань техникумонь студентсь, «Электрические станции, сети и системы» средняй профессиональнай образованиянь специальностьс коре Мордовия Республикань профессиональнай образовательнай организациятнень тонафниснон профессиональнай мастерстваснон республиканскяй олимпиадасост сяськись Николай Кубанцев азсь благодарностень валхт республикань Оцюняти, МР-нь Образованиянь министерствати и техникумти, конань вельде теенза удалась сатомс васенце вастть.