Мордовиянь Оцюнясь Артём Здунов 29 сентябрьста Москуса ульсь Россиянь фкя инь сире военно-медицинскяй учрежденияса — Н.Н.Бурденконь лемса главнай военнай клиническяй госпитальса. Сон васетькшнесь замляконьконь — специальнай военнай операциянь участникнень мархта. Ётксост улихть и контрактникт, и мобилизованнайхть. Синь азондсть Артём Здуновонди эсь боевой киснон колга, кода ранендафтольхть. Госпиталень врачне пачфтсть боецнень пчкафнемаснон квалма.
Мордовиянь Оцюнясь кулхцондозень военнослужащайхнень эняльдемаснон — фкявок кизефкссь аф кадови мялень апак шарфтт.
Палататнень, коса пчксихть боецне, ваномдост меле госпитальть ваксса ётафтовсь концерт, конань аноклазе Мордовскяй землячествась.
Артём Здунов спасибась медицинскяй персоналти Отечествань аралайхнень колга заботендаманкса, а боецненди арьсесь сяда куроконя пчкамс.
Военнослужащайхнень инголе кштисть и морасть родной республикастост артисттне. Концертнай программась поладовсь «Эряма», «Катюша» и «САДко» коллектифнень выступленияснон мархта.