Ётай недялять Республиканскяй культурань Дворецса ётафтовсь «Афганское эхо» военно патриотическяй моронь фестивальть Гала-концертоц. Фестивальсь лемтьфоль советскяй и рос-
сийскяй воиттнень подвигснонды, конань синь тиезь 35 кизода инголи, а стане жа странаса патриотизмань койхнень виияфтомаснонды, Родинати и эсь народоньконди служамати.
Мероприятияс пуромфнень приветствовандазень Мордовия Республикань Оцюнясь Артём
Здунов.
—Тячи минь марнек странать мархта макссетяма честь Отечествань аралайхненди. Сятненди, кит максозь Отчизнати эсь вийснон и эряфснон. Минь мяляфтсаськ сембе солдаттнень и офицерхнень, конат 35 кизо-
да инголе тисть афкуксонь Подвиг! Мордовия Республикань воиттне-интернационалисттне тяфта жа пяшкодезь эсь долгснон педа-пес. Эздост 68 воинць-интернационалистсь максозь эсь эряфснон Афгани-
станца служамста. Тячи минь сюконятама синь тядяснонды и аляснонды, конат касфтсть тяфтама цёрат!—мярьгсь МР-нь Оцюнясь.
Сяда тов Артём Здунов «Мордовия Республикать инголе заслуганкса» медальса казезе Валерий Джилясовонь, Мордовия Республикань Почётнай грамотат макссь Александр Козаковонди, Владимир Харитоновонди и лиятненди.
С я л ь д е в о и т т н е н ь -интернационалисттнень поздравляндазень и казсь теест питни казнет Мордовиянь ветеранонь Комитетть и Советть председателец Иван Цыганок.
Пуромфнень стане жа приветствовандазень «Боевое братство» Всероссийскяй обществать
Мордовскяй региональнай отделениянц председателец, воинць-интернационалистсь Ринат Аль-
мяшев.
Тяда меле воиттнень-и н те р н а ц и о н а л и с т т н е н ь и СВО-нь участникнень рьваснон-
ды Мордовия Республикань Оцюнять эзда казьфтольхть панчфт.
«Афганское эхо» концертта меле республиканскяй фестивалень лауреаттне казьфтольхть
Почётнай дипломса.
Владимир Нестеров.