БОРОДИНСКЯЙ ТЮРЕМАСЬ

1812 кизонь 8 сентябрсь—Россиянь воинскяй славань ши. Тя шиня рузонь армиясь Михаил Кутузовонь командованиянц ала кирдсь сражения французскяй армиять мархта Бородино велеть видеса.

1812 кизонь 8 сентябрсь—Россиянь воинскяй славань ши. Тя шиня рузонь армиясь Михаил Кутузовонь командованиянц ала кирдсь сражения французскяй армиять мархта Бородино велеть видеса.
ТЮРЕМАТЬ УШЕДОМАЦ
Тюремась ушедсь вете частста шобдава Бородино велеть видеса Егерскяй полкть лейб-гвардиянц позициянц лангс Италиянь вице-корольть Э.Богарнень корпусонц атакаснон мархта. Францусне сявозь сонь, но тя ульсь синь мялень шарфты манёврасна. Эсь главнай эрьхтеманц Наполеон тиезе Багратиононь армиянц каршес. Маршалхнень Л.Н.Давунь, М.Неянь, И.Мюратонь и генералть А.Жюнонь корпуссна атаковандазь Семеновскяй флешнень. Багратион куломшка ранендафоль.

РАЕВСКЯЕНЬ БАТАРЕЯНЦ ИНКСА ТЮРЕМАСЬ
Флешнень фатямдост меле основной тюремась ушедсь рузонь позициять центранц—Раевскяень батареянц инкса, конань 9 и 11 частста шобдава вииста атаковандазе противниксь. Омбоце атакать пингста Э.Богарнень войсканзонды удалась фатямс серьть, но курокста францусне паньфтольхть тоста рузонь несколька батальоттнень, конатненди оцюнякс ульсь генерал-майорсь А.П.Ермолов, цебярьста ётафтф контратакаснон вельде.
Шить кучкаста Михаил Кутузов кучсь казакт М.И.Платовонь кавалериянц эзда и прважазе генерал-лейтенантть Ф.П.Уваровонь кавалерийскяй корпусонц Наполеононь кержи флангонь войсканзонды. Рузонь конницать рейдонц вельде несколька частс кирдевсь лафчемф рузонь центрать лангс француснень од штурмсна. Тя пингть Барклай-де-Толли тись группировка вийхненди и ингольце линияти лихтсь од войскат. Кафта частста шить наполеоновскяй частьтне тяряфтсть колмоцеда фатямс Раевскяень батареянц. Наполеоновскяй пехотать и конницать тевсна вятсть сатфксс, францусне фатязь тя укреплениятьке. Рузонь войскатне потасть, но сяземс од фронтснон оборонаснон противникти ашезь удала, аф ваномок кавалерийскяй кафта корпуснень тяряфтомаснон лангс.
Сяськомс рузонь армиять стаки ашезь удала. Вов мезе тяштсь отечественнай историксь Е.В.Тарле: «Сяськикс эсь прянц кивок ашезе маря. Маршалхне корхнесть эсь ётковаст, мяльсна колафтольхть. Мюрат корхтась, што сон шиньберьф ашезе сотце императорть, Ней мярьгсь, што императорсь юкстазе эсь ремесланц. Илядти молемс кафцьке ширде кайгсь артиллериясь и мольсь веронь шудемась, но рузонь ломаттне ашесть арьсе аф аньцек ласькомать, но и потамать колга».
Противникнень эзда фкяське ашезе сата путф задачать: Наполеон ашезе тапа рузонь армиять, Кутузов ашезе арала Москуть. Бородинось кандсь Наполеононди сяпи мялень колама—тя тюремать шумордамац мезьсовок ашезе лятфне аф Аустерлицть, аф Иенать, аф Фридландть. Французскяй армиять ашельхть виенза панемс противникть мельге. Рузонь армияти, кона воявась эсь территориясонза, нюрьхкяня пингста удалась одукс пяшкодемс эсь лувксонц. Сяс питнень максомаса инь видеть азозе сонць Наполеон: «Сембе тюреманень эзда инь пяк кальдявсь ся, кона ульсь Москуть ала. Францусне эсонза няфтезь эсь пряснон сяськомать сатоманцты анококс улезь. А русне кемокстазь аф сяськовикс улемань славать».

Последние новости

«Ялгаксшинь каштазсь» пуропнезень мокшетнень и эрзятнень

13 июльста Оренбургскяй областень Абдулино ошса ульсь «Масторава» ила,...

КАТК СЕМБЕ АРЬСЕФСЬ ЁТАФТОВИ ЭРЯФС!

Вов ни мзяроце кизось мельцек пара койс коре Поволжьянь...

Лидерствань национальнай школась пуропнезень од ломаттнень

Ётай недялять, 4-5 июльста, Саранскяйса ётафтовсь «Лидерствань национальнай школа»...

В Мордовии развивается система патриотического воспитания

В рамках регионального проекта «Патриотическое воспитание граждан» национального проекта...

Бизнес-десант посетил Ромодановский и Лямбирский районы

Третий год в Мордовии в рамках национального проекта «Малое...

ПЕТРОФНЕНЬ СЕМЬЯСНА—ИНЬ ОЦЮСЬ АРГАСА

Атюрьевскяй райононь Арга велесь кирди Петрофнень вельде. Тячи тяса...

«Ялгаксшинь каштазсь» пуропнезень мокшетнень и эрзятнень

13 июльста Оренбургскяй областень Абдулино ошса ульсь «Масторава» ила, конань аноклазе и ётафтозе «Мокшэрзянь культурнай центрась». Праздниксь пуропнесь сядот мокша и эрзя, тяконь лувксса...

КАТК СЕМБЕ АРЬСЕФСЬ ЁТАФТОВИ ЭРЯФС!

Вов ни мзяроце кизось мельцек пара койс коре Поволжьянь ошнень эзга ётафневи «Волга—река мира. Диалог культур волжских народов» Международнай этнокультурнай экспедициясь-фестивальсь. Тядде сон пуропневсь...

Лидерствань национальнай школась пуропнезень од ломаттнень

Ётай недялять, 4-5 июльста, Саранскяйса ётафтовсь «Лидерствань национальнай школа» лем ала форум. Сонь аноклазе и ётафтозе «Российскяй Федерациянь финно-угорскяй нароттнень Ассоциациясна» общероссийскяй общественнай организациясь...