Гуманитарнай лезкс—СВО-нь ётафтома зонав

Ёфси кржа пингта ляткшни Од кизоти и Роштувати. Пялевеста, куранттнень эрьхтемаснон пингста, кда аф эрсь эздонк, то пцтай сембе эсь потмованк азондсаськ сянь, мезе ёратама получамс эряфть эзда сай кизоня. И надиятама, арьсефсь пяшкодеви. Несколька шида меле ушеткшнетяма аноклама Роштувати. И самай ня кафта илатне кемоста сотфт лиятненди цебярень тиемать, казнень казендемать мархта. Мес казнет тиендихть Роштуваста? Тянь, улема, содасазь сембе. Христианствать содафокс арамстонза эряфсонк кемоста мусь васта Роштуваста казнень казендемась. Сяс мес Иисус Христости, сонь шачемдонза меле эстокиге, волхватне и мудрецне кандсть казнет: ладан, смирна, зрня.

Конешна, тя аф корхтай сянь колга, што тейнековок казендема зрняста ащи казнет. И нинге. Казнет сидеста аноклакшневихть аф содаф ломаттненди. Кепотьксонди, специальнай военнай операциянь участникненди. Боецоньконди гуманитарнай лезкс прважсеви фалу. Тянь коряс работась ладяф лац. И минь пачфнетяма колганза «Мокшень правдаса». Оцю мяльса тянь тисаськ и Од кизонь карша.
Саранск ошень Иоанн Кронштадскяень храмоц стаки мольфтьсы специальнай военнай операцияса участиянь примай боецоньконди лезксонь максомань тевть. Коське шонгарямонь тиемать, маскировочнай сетень кодамать и ламоть лиять колга морафнеде ни.
Декабрьста храмть настоятеленц протоиерейть Владимир Кугушевонь эзда удалась кулемс, што тяни марстонь вийса аноклавихть Роштувань казнет воиноньконди. Эрь пакетти путовихть носокт, алгань лямбе щапт, варягат, конфетат, летьке салфеткат, нардамат, вафлят и стак тов.
Декабрть васенце пялестонза Иоанн Кронштадскяень храмста прважафоль ни гуманитарнай лезкс. Воскреснай школаса тонафнихне эсь кядьса тиендсть Роштувань ламбама куст, конатнень омбоце ширеснон лангса тяштьфтольхть сёрмат. Батюшкать Владимир Кугушевонь валонзон коряс, кусне пачкодсть воиноньконди.

Аф кунара протоиерейти Владимир Кугушевонди казьфоль «Защитники Отечества» Фондть Мордовия Республикаса филиалонц руководителенц Алексей Герасименконь эзда кеме сотксонь кирдеманкса Благодарность.
Специальнай военнай операциянь участникненди гуманитарнай лезкс кочксеви ламоц вастова. Тяконь лувксса и республикань велетнень эса. Рузаевскяй муниципальнай райононь Пайгармскяй велень поселенияса декабрьста шумордафоль гуманитарнай колмоце грузть кочкамац. Велень поселениянь администрациянь оцюнять Наталья Романовать валонзон коряс, гуманитарнай тя лезксть кочкамаса примасть участия Пайгарма велень эряйхне, Россиянь Почтань тостонь отделениясь, лавкась, велень поселениянь администрациясь. Посылкатне прважафтольхть Рузаевкав, а меле—воиноньконди специальнай военнай операциянь ётафтома зонав.
Наталья Геннадиевна оцю спасиба азсь сембонди, тяконь лувксса Татьяна Челмаковати, кона кодась боецоньконди понань носокт и варягат. Сембоц—кемоньда лама пара.
Кепси мяль, што боецоньконди гуманитарнай лезкс кочксеви аф аньцек илань карша, а фалу. И шиста шис касы ся ломаттнень лувкссна, конат ушеткшнихть участиянь примама эрявикс тя тевса.
Татьяна АЛЬШИНА.

Последние новости

РОССИЯНЬ ВОИНСКЯЙ СЛАВАНЬ ШИСЬ

23 февральсь—Отечествань Аралаень шись. 1918 кизоня тифоль Рабоче-Крестьянскяй Якстерь...

Госкомпании увеличили закупки у малого бизнеса Мордовии почти на треть

Общероссийский объём закупок крупнейших заказчиков у субъектов МСП по...

В Мордовии завершается строительство дома-интерната для престарелых и инвалидов

В Ичалковском районе завершается большая стройка. В рамках федерального...

Мазыхть мокшень стиреньке

Бта нинге аф кунара, мелять песта, «Мокшень правдась» тись...

Родькиттнень семьясна сувась сяськихнень лувксс

Аф кунара Москуса «Россия» Международнай выставкать видеса ётафтовсь «Родные—Любимые»...

Ётась эряфонь кувака ки

Мокшень писательсь Тимофей Андреевич Кирдяшкин сась мокшэрзянь литературав 1950...

РОССИЯНЬ ВОИНСКЯЙ СЛАВАНЬ ШИСЬ

23 февральсь—Отечествань Аралаень шись. 1918 кизоня тифоль Рабоче-Крестьянскяй Якстерь Армиясь.1993 кизонь 8 февральста Российскяй Федерациянь Верховнай Советть Президиумоц примась «Российскяй Федерациянь знаменательнай шить—Отечествань Аралайхнень...

Команда проекта #ПатриотКрафт из Мордовии провела мастер-класс по разработке сценариев патриотических игр в Мытищах Московской области

19 февраля в г. Мытищи Московской области на площадке АНОО «Ломоносовская школа-Зеленый мыс» прошел очередной мастер-класс по разработке сценариев патриотических игр, организованный командой грантового...

Госкомпании увеличили закупки у малого бизнеса Мордовии почти на треть

Общероссийский объём закупок крупнейших заказчиков у субъектов МСП по итогам 2023 года вырос до рекордных 8 трлн рублей. Благодаря национальному проекту «Малое и среднее...