Иван Ануфриевонь подвигоц

РФ-нь Оборонань министерствась пачфтсь Ковылкинскяй райононь Порапа велень эряйть, взводонь командирть Иван Ануфриевонь подвигонц колга.
Противникть контрнаступлениянц пингста Иван лихтезе артиллериянь толть алда аф пелькс вастс КамАЗ машинать, кона пяшкотьфоль танкатненди боеприпаста. Стане жа сон аралазень ранендаф колма боецнень. Иван Ануфриев максозе теест васенце медицинскяй лезксть и эсь пингстонза пачфтезень аф пелькс вастс. Улемок сембе пингть специальнай военнай операциянь ётафтома васттнень эса, няфтемок мужества и героизма, боевой действиянь васттненди усксесь материально-техническяй паршихть и вооруженият.
Иван Ануфриев шачсь 1993 кизонь 4 майста. Аделазе Н.П.Огарёвонь лемса МГУ-нь юридическяй факультетть. Армияда меле покодсь полицияса, сяльде поступась контрактс коре службас войсковой части, кона ащи Московскяй областень Мосрентген посёлкаса. СВО-нь ётафтома вастса Иван февральста сявомок. Кудса эсонза учихть тядянза-алянза, рьвац и цёраняц.