Касфтыхть патриотт

«Шумбрат, кельгома солдат!» Оцю сюкпря тейть, мес тон аралат Родинаньконь эса. Тейть аф тёждя, но минь содасаськ, што тон анокат инксонк максомс эряфцень, анокат перямс кить врагти, бандеровскяй хунтати. Минь мяляфтсаськ атянь-атяньконь подвигснон Великай Отечественнай войнать пингста, а тяни тон синь лацост аф пелезь аралат Родинаньконь и мирнай ломаттнень эса Донбассонь модать лангса. Минь кенярттяма инксот, тон афкуксонь Героят, Отечествань аралаят. Мрдак куду шумбраста, тонь учтядязь мала ломаттне!»

Вов тяфтама сёрма сёрмадсть и прважасть аф оцю посылканят специальнай военнай операциянь участникнень лемс Рузаевскяй райононь Трускляй велень средняй общеобразовательнай школань тонафнихне. И тянь синь тиезь аф кинь-кинь мархта, ширде кошярязь, а эсь мяльс коре, седи ваксста. Трускляень школась патриотическяй воспитаниять коряс кунара ни васенцетнень ёткса марнек республикаса. Тяса сембе пинкнень ётафневсть и тянивок ётафневихть васедемат войнань участникнень и тылонь труженикнень мархта, шабатне кепотьф мяльхть примсихть участия военнай темас лемтьф слёттнень эса. Школать видеса аф васенце кизось ни лац работай «Наследие» поисковай отрядсь. Шабатне вешендихть од фамилият, даннайхть ся боецнень колга, конат ашесть мрда фронтста, школав каннезь синь фотографияснон, фронтста кучф сёрмаснон.
—Сембе ня тефне, поисковай работатне мольфтевихть школань тонафтыть Ф.Ф.Полыновонь вятеманц ала,—азонды Трускляй велень школань директорсь Л.П.Иляева.—Тя сон васенцекс «крьвястсь» шабатнень седиса толня улемс эсь шачема ширети афкуксонь патриотокс, аф юкснемс Родинань аралайхнень лемснон, синь подвигснон. Мзярда мон кулхцондса Филипп Фёдоровичень азондоманц иттненди Великай Отечественнай войнать колга, кода минь солдатоньконди сатовсь Сяськомась, кода тячи аралакшневихть Родинаньконь интересонза Донбасса, няйса, кода пачкотькшни иттнень ваймос видешись и кодама крхкат тя ломанть историческяй содамошинза.
Филипп Фёдорович Полынов—Российскяй Федерациянь общай образованиянь Почётнай работник, сон казьф «Патриот России» медальса. Тя сонь вельденза кочкафоль школань музейсь, коса няфтьфт велеть марнек историяц, сонь ломаненза. И шарьхкотьф, инь няеви вастса ся уженятне, конат азондыхть Великай Отечественнай войнань участникнень, и ся од ломаттнень колга, конат няфтезь пряснон геройкс Севернай Кавказса, Чечнянь модать лангса, Афганистанца. Мяляфтсазь велеса и Анатолий Захаровонь подвигонц. Сон куляфтома юмась Афганистанца интернациональнай долгонц пяшкодемста. Школань «наследие» поисковай отрядонь участникне Ф.Ф.Полыновонь мархта кочкасть материал эсь велеряйснон колга, кучсесть сёрмат Россиянь оборонань министерствати, сонь Центральнай архивонзонды, коста получасть ответт Анатолий Захаровонь службанц колга конатнень эзда содавсь, кодамоль сон воинць и кодама операцияс кучсефоль.
—Хуш мон школаса вятян историянь урокт, но войнань темать колга тейне аф тёждя азондомс тонафнихненди,—мярьгсь Филипп Фёдорович.—Вдь война валсь сотф, васендакиге, тюрематнень, шавондоматнень мархта. Но, мзярда шарьхкодьса, што тя эряви иттненди, штоба синь содалезь мезе стамсь подвигсь, смелшись, эсь Родинань араламась, эста урокти максф пингсь аф сатни азондоматненди. Кочксефтяма музейса, коса иттне синць азондыхть стихт войнань темас, эсь велеряеньконь подвигснон колга, морсихть войнань пингонь морот.
Сембе, кит сувсихть «Наследие» поисковай отрядти, вятихть оцю работа. Инь активнай участникнень ёткста азолеськ Оксана Рогазинскаять—кемонце классонь тонафнить, отрядонь командирть лемонц, Иван Казейкинонь—кефкиеце классонь тонафнить, отрядонь участникть, Артём Кургановонь—кафксоце классонь тонафнить, «Выбор» школьнай волонтёрскяй отрядонь волонтёрть лемонц и ламотнень лиятнень.
—Минь школасонк тонафни вейхксогемонь цёраня и стирня. И сембе синь лац содасазь, мезе стамсь Родинати, эсь шачема ширети кельгомась. Эрть ули мялец сёрматфтомс пря, улемс «Наследие» поисковай отрядонь участникокс. А тя корхтай сянь колга, што ня иттнень эзда минь учтама аньцек пара тефт. Синь шачема-касома ширень кельгихть, афкуксонь патриотт,—мярьгсь меколи школань директорсь, Российскяй Федерациянь общай образованиянь Почётнай работниксь Л.П.Иляева.
Трускляень школаса сембось тиендеви сянкса, штоба иттне тонафнема пингть получсельхть аф аньцек крхка содамошит, но и сембе ширде улельхть аноклафт эряфти, тёждя и стака тефненди, эрь кодама тердематненди, событиятненди.
Н.Лобанов.
Фототне авторть.

Последние новости

Рационализаторы Мордовии могут принять участие в образовательной программе

Минэкономразвития России совместно с АНО «Агентство развития профессионального мастерства...

Благодаря нацпроекту для бизнеса Мордовии прошёл уникальный стендап-семинар

Министерство экономики, торговли и предпринимательства РМ совместно с Центром...

В Зубовой Поляне прошел мониторинг выполнения народной программы «Единой России»

Партийный десант в составе  Главы Зубово- Полянского района, секретаря...

В Мордовии закупается оборудование для региональных сосудистых центров

В рамках регионального проекта «Борьба с сердечно-сосудистыми заболеваниями» национального...

Благодаря нацпроекту предпринимателей Мордовии научили успешно вести бизнес онлайн

Министерство экономики, торговли и предпринимательства РМ совместно с Центром...

Благодаря нацпроекту бизнес Мордовии узнал, как работать в рамках закона

Министерство экономики, торговли и предпринимательства РМ совместно с Центром...

Рационализаторы Мордовии могут принять участие в образовательной программе

Минэкономразвития России совместно с АНО «Агентство развития профессионального мастерства (Ворлдскиллс Россия)» реализует программу подготовки команд рационализаторов. Эта работа ведется в рамках федерального проекта «Системные...

Благодаря нацпроекту для бизнеса Мордовии прошёл уникальный стендап-семинар

Министерство экономики, торговли и предпринимательства РМ совместно с Центром «Мой бизнес» оказывает поддержку субъектам МСП Мордовии.В рамках Недели предпринимательства по национальному проекту «Малое и...

В Зубовой Поляне прошел мониторинг выполнения народной программы «Единой России»

Партийный десант в составе  Главы Зубово- Полянского района, секретаря Зубово- Полянского местного отделения партии Владислава Поршина  совместно с представителями родительского сообщества  и администрации Зубово-Полянской   школы  №1 имени Героя Советского Союза...