Казьфт «Герои Отечества моими глазами» конкурсса сяськихне

29 майста Саранскяйса, Рузонь государственнай драматическяй театраса, казьфтольхть «Герои Отечества моими глазами» Всероссийскяй конкурсса сяськихне и призёрхне. Конкурссь лемтьф Великай Сяськомать 80 кизонцты, ётафтфоль Мордовия Республикаса Антитеррористическяй комиссиять координациянц видеса «Траектория безопасности #Формула Антитеррора» грантовай проектть мяльса кирдезь.
Аноклазе конкурсть Социальнай Медиатехнологиятнень центрасна МР-са АТК-ть аппаратонц, Мордовия Республикань Культурань, национальнай политикань и архивнай тевонь министерствать и Россиянь Минюстонь РПА-ть Средне-Волжскяй институтть (филиалонц) мархта сотксонь кирдезь.
Театрав пуромфненди приветственнай валхт азсь Мордовия Республикань Оцюнять и Мордовия Республикань Правительствать Администрацияснон Мордовия Республикаса Антитеррористическяй комиссиять деятельностенц обеспечендаманц коряс отделть заведующаец Сергей Шамин.
Сергей Геннадьевич мярьгсь, што тяфтама поколениять мархта сяда тов ули кода тиемс общества, коса эрь ломанць кармай маряма прянц аралафста. Стане жа сон азсь спасиба участникненди историческяй мялямть ванфтоманкса.
Конкурсса, кона, участникнень кизоснон мяльс сявозь, ётафтовсь несколька категориява, примась участия 1200 ломань Россиянь ламоц региоттнень эзда. Эздост кеветиеда лама конкурсантсь сатозь Гран-прить, I, II, III степенень Диплопнень. Тяда башка, синь получасть лятфнембяленди казнет.
Поздравляндайхнень и казихнень ёткса ульсть Афганистанца боевой действиянь ветеранць Александр Петрушин, Севернай Кавказса контртеррористическяй операциянь участниксь Сергей Фошин, специальнай военнай операциянь ветеранць Сергей Абедкин.
Татьяна Альшина.