Тянь колга пачфни «Стопмошенник13» телеграм-каналсь.
Мошенникне коль сяда сидеста салсихть ярмакт социальнай сетьтнень и мессенджерхнень вельде, кучсемок поддельнай видеосообщеният, конат бта содаф ломаттнень или ялгатнень эзда. Кода тя уленди:
1.Преступникне синнесазь аккаунтть, сявондьсазь эздонза ломанть фотографиянзон, видео-и аудиозаписензон и нолясазь синь нейросетьти. Искусственнай интеллектсь тии анализ шамати, вайгяльти, якамати-шяямати и аноклай дипфейк—цифровой образ, кона пцтай сембоса фкя ся ломанть лаца.
2.Меле мошенникне сёрматкшнихть виртуальнай двойникть (дипфейкть) мархта ролик. Сон корхтай, што повсь зиянц, кепотьксонди, стакаста сярятькстсь, повсь аварияс или юмафтозе работанц, и эняльди лездомс теенза ярмакса. Меле «васькафни» тя видеоть кусесазь ломанть раднянзонды и работас коре ялганзонды и макссесазь ярмаконь ётафтомс эсь реквизитснон.
3.Кой-коста мошенникне тиендьсазь содаф ломаттнень, блогерхнень дипфейкснон и кучсесазь видеосообщениять сембе синь подписчикснонды.
Кода содамс дипфейкть?
Шарфтода мяль вов мезть лангс:
корхтамась моли вайгялень апак полафнек;
корхтайть лия мимикац;
изображениясь и звуксь аф пяк цебярь качествань.
Но и кда видеось аш ни кода цебярь, шарфтома мяль, кда кивок анай кядьстонт ярмакт. Вдь тя ломанть аккаунтонц ульсь кода синнемс. Тяда ётафне кодамовок ярмак, гайфтеда содафонтенди и кизефтесть, кода тевсь ащи афкукс, эряви-аф лезксонте. Кда аш кода корхтамс телефонца или васьфтемс, тяштеда тя ломанти и максода кизефкс, конань лангс ответть содасы аньцек сон. Тяфтама проверкась нинге киндивок ашезь шоря.