Коень-обуцянь ванфтыхть

Перевесье велеса лац содафт мирттне-рьвятне Кабаефне. Вайгяльсна кафцьконь мазыхть, кайгихть, седи токайхть.
Светлана Викторовна шачсь-кассь Крхтаж велеса. Тядянза-алянза, Матрёна Васильевна и Виктор Максимович, трудендакшнесть «Рассвет» колхозса, ульсть шнама ломанькс.
Мокшавась аделазе Крхтажень средняй общеобразовательнай школать. Нинге школаса тонафнемста кизонь каникулатнень пингста трудендакшнесь пекарняса, колхозса дояркакс. Школать аделамдонза меле классонь келеса састь трудендама эстонь «Заря» колхозу, конань вятезе И.А.Козяйкин. Своднай комсомольскяй отрядса Крхтажень стирсь трудендась телятницакс, потьнесь тракст, колхознай столовайса пидесь-панць.
Колхозса покодемста и васьфтезе мирденц Василий Николаевичень. Тядянза-алянза, Евдокия Ивановна и Николай Васильевич, касфтсть сисем итть.
Перевесьянь школать аделамдонза меле тонафнесь Торбеевань 3№ СПТУ-са. Получамок водителень профессия, сявозь армияв служама. Эсь воинскяй долгонц пяшкодезе Чехословакияса. Армияда меле тушендсь Самарав. Кафта кизот покодсь водителькс. Весть сась отпускс вели, васьфтезе Светланать и меки Самарав ашезь ту. Тя ульсь 38 кизода инголе. Василий Николаевич «Заря» колхозса покодсь водителькс, комбайнёркс.
Тяни полатнень эряфсна сотфт культурать, койхнень-обуцятнень ванфтомаснон мархта. Светлана Викторовна вов ни кеветие кизода лама Перевесье велень клубонь заведующай, а Василий Николаевич—художественнай руководитель. Велень, райононь и нльне республикань сембе илатне синнет. Аш стама концерт, фестиваль, пуромкс, коса синь афольхть прима участия. Трудсна аф весть отмечафоль Дипломса, Благодарностьса, Почётнай грамотаса.
Кабаефне касфтсть кафта цёрат. Синь синцень семьясна. Николай эряй и покоди Атерьса, колма иденза. Евгений трудендай Москуса.

Последние новости

В МОРДОВИИ ЭКСПЕРТНЫЙ СОВЕТ ПРИ АТК ОЦЕНИЛ КОНТЕНТ ДЛЯ МОЛОДЕЖИ

6 февраля в Доме Республики под председательством заместителя Руководителя...

Пенсионеркась ётафтсь аф пелькс счётс 5,5 миллиотт цалковай

Кода пачфни «Стопмошенник13» телеграм-каналсь, Россиянь УМВД-нь Саранск ошень округть...

«Варяг» крейсерть подвигоц

9 февральсь—Россиять военнай историясонза мяляфтови дата. Тя шиня 1904...

Мазыхть мокшень стиреньке

Кельгома морафтыеньке! 2025 кизоня «Мокшень правда» газетась сяда тов...

Рославльскяй Краснознамённай 326-це стрелковай дивизиясь пуроптфоль Саранскяйса

Тядде васьфтьсаськ оцюдонга оцю илать—Великай Сяськомать 80 кизонь топодеманц....

Эрявикс кизефксненди—башка мяль

Ётай недялять Саранскяйса, Республикань Кудса, ётафтовсь Мордовия Республикань сисемце...

В МОРДОВИИ ЭКСПЕРТНЫЙ СОВЕТ ПРИ АТК ОЦЕНИЛ КОНТЕНТ ДЛЯ МОЛОДЕЖИ

6 февраля в Доме Республики под председательством заместителя Руководителя Администрации Главы Республики Мордовия и Правительства Республики Мордовия – руководителя Пресс-службы Главы Республики Мордовия Елены...

Пенсионеркась ётафтсь аф пелькс счётс 5,5 миллиотт цалковай

Кода пачфни «Стопмошенник13» телеграм-каналсь, Россиянь УМВД-нь Саранск ошень округть эзга 4№ полициянь отделу пшкядсь ошень 65 кизоса авась, кона пачфтсь вете тёжяньда лама цалковаенц...