КУНАРДОНЬ ПИНГОНЬ
ЭРЯФТЬ СОДАЕЦ

Иван Митрофанович Петербургский—мокшень содаф учёнай, краевед, археолог, историк, кона тонафнезень мокшэрзятнень и Средняй Поволжьянь финно-угорскяй лия нароттнень сире пингонь эряфснон. Сон нолдась 150-да лама научнай, научно-популярнай и учебно-методическяй работа.
Шачсь И.М.Петербургский 1937 кизоня Мордовскяй АССР-нь (тяни Мордовия Республикась) Старосиндровскяй райононь (тяни Краснослободскяй районць) Сире Сендру мокшень велеса колхозниконь семьяса. Тонафнесь тястоконь школаса, а аделамдонза меле тертьфоль Советскяй Армияв. Служась Средняй Азияса танковай войскаса. Службать пингста оцю мяльса содафнесь Средняй Азиянь инь сире ошнень—Бухарать, Самаркандть, Ашхабадть историяснон и культураснон мархта. Няйфсь токазе седиенц. Шять, эста и сувась эзонза историяти кельгомась.

Армияда меле, 1959 кизоня, Петербургский макссь заявления Мордовскяй госуниверситетонь историко-филологическяй факультету, штоба арамс историкокс-археологокс. Тонафнесь оцю мяльса. Студентокс улемстонза Поволжскяй археологическяй экспедициять лувксса, конань вятезь Москуста содаф археолокне А.П.Смирнов и Г.А.Федоров-Давыдов, Петербургский примась участия Золотой ордань столицать, Сарай-Бату ошть, Нижняй Волгаса сарматскяй кургаттнень раскопкаснон эса.
Университетта меле Иван Митрофанович работась Темниковскяй райононь Польское Цибаево мокшень велеса. Отпускста сась родной факультету—тязк и лядсь. Арась историянь кафедраса ассистентокс. 1970 кизоня поступась Мордовскяй АССР-нь Министронь Советть видеса кялень, литературань, историянь и экономикань научно-исследовательскяй институту аспирантурав. Аделазе аспирантурать и Москуса М.В.Ломоносовонь лемса университетса цебярьста аралазе кандидатскяй диссертациять. Темац тяфтамоль: «Кунардонь мордвать хозяйствац минь эрань I-II тёжянь кизотнень». Ся пингста сявомок Иван Митрофановичень сембе эряфоц сотневсь археологиять мархта. Экспедицият, исследованият, сатфкст и од вешфкст…
1974 кизоня И.М.Петербургский, улемок, историческяй наукань кандидатокс, кочкафоль археологиянь и этнографиянь отделонь старшай научнай сотрудникокс, а 1979 кизоста сявомок 1997 кизоти молемс ульсь отделонь вятикс. Сонь руководстванц ала мольфтевсть оцю археологическяй работат Мордовияса, Рязанскяй, Нижегородскяй областтнень эса. Отделонь этнографне тонафнезь мокшэрзятнень эряфснон-ащефснон Самарскяй, Оренбургскяй областтнень эса, Алтайскяй крайса. Синь материалснон коряс нолдафт «Мордва (историко-этнографические очерки)», «Социалистический быт села», «Мордва Заволжья» книгатне.
1994-2001 кизотнень И.М.Петербургский научно-исследовательскяй институтса ульсь директорти научнай работать коряс заместителькс. Сонь руководстванц ала аралакшневсть диссертацият, аноклакшневсть научнай кадрат, нолявсь печатнай научнай продукция.
2002 кизоня Иван Митрофанович ётась сембе пингс работама Н.П.Огарёвонь лемса Мордовскяй госуниверситету, коса кочкафоль доцентонь должностти, а 2011 кизоня арась Историко-социологическяй институтонь дореволюционнай историянь, археологиянь и этнографиянь кафедрань профессоркс. Сон лувондсь студенттненди археологиять коряс лекцият, вятсь Мордовиянь археологиять коряс спецсеминар. Тяда башка, кафедрань сотрудникнень мархта аноклакшнесь материалхт, учебнай, учебно-методическяй пособият.
Петербургский примсесь участия научнай ламоц оцю форупнень эса—финно-угроведонь историкнень Международнай конгрессост, международнай, всероссийскяй и региональнай ламоц конференциятнень эса.
Иван Митрофанович ульсь аф аньцек смузю учёнай, но и пяк цебярь ломань. Сон седиге кельгозе шачема-касома аймаконц, эсь народонц, а сяс лама тиендсь сянкса, штоба ванфневоль сонь кунардонь историяц, пачфневоль од поколениятненди. Петербургский ульсь афкуксонь мокшень патриотокс. Пара мяльса азсаськ, што содаф учёнайсь кельгозе и лувондозе «Мокшень правда» газетаньконь, най кирдсь соткст редакциять мархта.
Тядде июль ковста И.М.Петербургскяенди топодель 85 киза. Катк сон аш ни мархтонк, но валда лемоц апак юкстак. Колганза лямбоста лятфнихть мала ломаненза, работас коре ялганза, учениконза, а научнай работанзонды ингольцекс оцю вешфкссь специалисттнень ёткса.

Последние новости

В рамках нацпроекта самозанятых Мордовии бесплатно научат nail-мастерству

Министерство экономики, торговли и предпринимательства РМ совместно с Центром...

В селе Константиновка Ромодановского района ремонтируют дорогу

В Мордовии в рамках национального проекта «Безопасные качественные дороги»...

«Ялгаксшинь каштазсь» пуропнезень мокшетнень и эрзятнень

13 июльста Оренбургскяй областень Абдулино ошса ульсь «Масторава» ила,...

КАТК СЕМБЕ АРЬСЕФСЬ ЁТАФТОВИ ЭРЯФС!

Вов ни мзяроце кизось мельцек пара койс коре Поволжьянь...

Лидерствань национальнай школась пуропнезень од ломаттнень

Ётай недялять, 4-5 июльста, Саранскяйса ётафтовсь «Лидерствань национальнай школа»...

Национальный проект способствует развитию предпринимательской деятельности в Мордовии

Министерство экономики, торговли и предпринимательства РМ совместно с Центром...

В Мордовии строятся социальные учреждения

В рамках федерального проекта «Старшее поколение» национального проекта «Демография»...

В рамках нацпроекта самозанятых Мордовии бесплатно научат nail-мастерству

Министерство экономики, торговли и предпринимательства РМ совместно с Центром «Мой бизнес» оказываетпомощь предпринимателям Мордовии, предоставляя различные меры государственной поддержки бизнесу республики. Так, в рамках национального...

В селе Константиновка Ромодановского района ремонтируют дорогу

В Мордовии в рамках национального проекта «Безопасные качественные дороги» ведется капитальный ремонт автодороги «г. Саранск – р.п. Ромоданова – с. Большое Игнатово» - с....

«Ялгаксшинь каштазсь» пуропнезень мокшетнень и эрзятнень

13 июльста Оренбургскяй областень Абдулино ошса ульсь «Масторава» ила, конань аноклазе и ётафтозе «Мокшэрзянь культурнай центрась». Праздниксь пуропнесь сядот мокша и эрзя, тяконь лувксса...