Лама идень тядясь Ольга Котькина:«Шабатне касфтомат эсь кепотьксцень лангса»

Сентябрь ковть кучкаста Саранскяйса ётафтфоль оцю мероприятия, коса республикань эряйхненди максфоль «Геройхнень пингсна» Народнай премиясь. Сонь получазь ломаттне, конат няфнихть цебярь пример эсь эряфснон, тевснон, прянь вятемаснон мархта. Тяфта, «Семьянь геройхть» номинацияса сяськсь Старошайговскяй райононь Сире Шайгав велеста Котькиттнень семьясна. Александр Серафимович и Ольга Евдокимовна шачфтсть-касфтсть ниле шабат—ниле стирьхть.

Мирттне-рьвятне Котькиттне шачемас-касомас коре тястоконнет—Сире Шайгавоннет. Кафцьке лама идень семьяста. Ольга Евдокимовнань кафта брадонза, а Александр Серафимовичень кафта брадонза и фкя сазороц.
—Шабакс най кайселень сельме ялганень лангс, конатнень ульсть сазорсна или акасна,—азозе Ольга Евдокимовна.—Теест ульсь кинь мархта седикс-ваймокс корхнемс, панжемс потмоснон. Тейне тя пяк ашезь сатне. Сяс оцюволь мялезе, штоба монцень шачельхть стирняне, конат улельхть цебярь ялгакс фкя-фкянди и тейне. Улема, Шкабавазсь кулезень эняльдеманень. Маряса прязень пяк павазукс, мес сон казсь тейне ниле стирьхть.
Кода азозе мокшавась, сон ёмластокиге пяк кельгозень шабатнень. Сяс Сире Шайгавонь школать аделамдонза меле, ламос апак арьсек, поступась тонафнема М.Е.Евсевьевонь лемса МГПИ-в (тяни МГПУ), а сяльде сась работама эсь велень идень саду. Садикса Ольга Евдокимовна покоди пцтай колмогемонь киза ни.

«Геройхнень пингсна» Народнай премиясь Котькиттненди максфоль аф стак. Полатне няфнихть цебярь пример идень воспитандамаса. Александр Серафимович и Ольга Евдокимовна маштсть касфтомс идьснон цебярь ломанькс, панжада ваймокс и паронь арьсикс. Нилецьке стирьсна кеняртьфнесазь тядяснон-аляснон эсь сатфксснон мархта. Эрть ули сонцень асувоц, кельгома тевоц.
Инь оцюти, Кристинати, комсь котува киза. Сон тонафнесь юристонди, а тяни покоди получаф специальностьс коре Саранскяйса. Кристинань сонцень семьяц ни. Мирденц мархта мзярс фкя шабасна. Алиса стирняснонды пцтай колма кизот. Александр Серафимович и Ольга Евдокимовна аф содасазь кода кеняртькшнемс васенце уноконяснонды. Мзярда Алиса сашенды щятянц-щаванц шири, Котькиттнень кудса уленди афкуксонь праздник.
Мирттнень-рьвятнень омбоце стирьсна, Алина, тусь тядянц киге. Сон тонафни М.Е.Евсевьевонь лемса МГПУ-са ветеце курсса. Университетть шумордамдонза меле Алина арьсекшни мрдамс Сире Шайгаву и лисемс работама тястонь идень саду, коса покоди тядяц. Стирсь пяк лац тонафнесь школаса, нльне лисендсь сяськикс «Ученик года» конкурсса. Вузсовок лац няфнесы прянц кода тонафнемаса, стане общественнай тевса. Алинань Шкабавазсь казезе морамань асуса, сонь пяк мазы вайгялец. Морси идень садста сявомок. Выступандакшнесь эрь-кодама ошса, тяконь лувксса Пензаса, Нижняй Новгородса. Стирть лама дипломдонза и лия казнедонза. Эряви азомс, Алинань аш музыкальнай кодамовок образованияц, сон, кода корхнихть—самоучка.
Колмоцекс Котькиттнень семьяса шачсь Серафимась. Тяни сон тонафни 8 класса. Серафима кельгсы рисовандаманц. Лац лисенди кагод лангса перьфпяльть мазышинц няфтемац. А нинге сон пара мяльса рисовандакшнесыне животнайхнень. Кудса стирнять нльне ули сонцень ёмла фермац, коса сон касфты куднумолхт и мазы нармоннят.
Мекольце шабаснон Котькиттне лемдезь Ульянакс. Тядде сон ётась ветеце классти. Ульяна лац тонафни школаса и якай кштимань кружокс. Кштиманц кельгсы ёмластокиге. Нинге идень саду якамста выступандакшнесь «Шумбрат, Мордовия!» Народнай творчествань Республиканскяй фестивальса-конкурсса.
—Ламотне кизефнесамазь, кле, стака, улема, касфтомс ниле шабатнень,—азозе Ольга Евдокимовна.—Аф содаса кода лия оцю семьятнень эса, но минь сталмот-стакат ашеме васьфне. Ёмлатнень касфтомаса тейнек най лезнельхть оцю шабаньке: ваннекшнезь, налхксесть мархтост. Тяни оцю лезкссна кудонь, куд пирьфонь тевса.
Котькиттнень аф ёмла хозяйствасна—кирдихть сараст, сяват, яксяркт, тувот, букат. Оцю пересна, коса перень сёрода башка касфнихть лама панчф. Синь пяк кельгсыне кудазоравась.
—Павазуван, мес удалась пуроптомс тяфтама семья, коса сембе кельгихть и ужяльдихть фкя-фкянь эса,—мярьгсь лама идень тядясь Ольга Котькина.—Минь лама пингта ётафнетяма марса, арьсекшнетяма марстонь кодамовок тефт. Оцю стиреньке хуш и эряй Саранскяйса, семьянц мархта пцтай эрь ваймама шиста сашенды ширезонк.
Кизефксть лангс, кодамот идень касфтомаса секретсна, лама идень тядясь азозе: «Шабатне эрявихть касфтомс эсь кепотьксцень лангса. Лиякс азомс, няфнема теест пример прянь вятемаса, работамаса и лияса. И, конешна, иттне водендакшнемат цебярь тевонь тиендемати».
Кода лама идень тядят-алят, Котькиттне казьфт «Идень воспитандамаса заслуганкса» Мордовия Республикань Оцюнять Почётнай дипломонц мархта. Тядде синь арасть сяськикс «Семья года Республики Мордовия-2023» конкурсть муниципальнай этапсонза «Велень семья» номинацияса.
—Минь пяк дивандаме, мзярда содаськ, што семьяньке лихтьф «Геройхнень пингсна» Народнай премиять получаманкса,—азозе Ольга Евдокимовна.—Арамс сяськикс «Семьянь геройхть» номинацияса и сатомс тяфтама казне пяк почётна. Минь пара мялезонк!
Ольга Евдокимова.

Последние новости

Нацпроект и снижение смертности при ДТП

В рамках национального проект «Безопасные качественные дороги» в Мордовии...

В Мордовии продолжается реконструкция районных домов культуры

Торбеевский дом культуры – центр притяжения всего района. Здание...

Дискуссия по развитию БРИКС прошла на Всемирном фестивале молодёжи

В рамках Всемирного фестиваля молодёжи в субботу, 2 марта,...

Саранск встретил март «Весенней ярмаркой подарков» 

1 марта в столице региона, при поддержке Министерства экономики,...

В Региональный сосудистый центр №2 поступает новое современное оборудование

Региональный проект «Борьба с сердечно-сосудистыми заболеваниями» национального проекта «Здравоохранение»...

ПОСЛАНИЕ ПРЕЗИДЕНТА

Инициативы Президента Владимира Путина по итогам послания Федеральному Собранию  29...

Благоустройство Дубенского района Мордовии

Центральная площадь вс. Дубенки, 2 общественные территории в с....

Нацпроект и снижение смертности при ДТП

В рамках национального проект «Безопасные качественные дороги» в Мордовии реализуется региональный проект «Безопасность дорожного движения». Одна из его задач – сокращение смертности в результате...

В Мордовии продолжается реконструкция районных домов культуры

Торбеевский дом культуры – центр притяжения всего района. Здание построено в 1974 году и давно требовало ремонта. В 2023 году по национальному проекту «Культура»...

Дискуссия по развитию БРИКС прошла на Всемирном фестивале молодёжи

В рамках Всемирного фестиваля молодёжи в субботу, 2 марта, прошла дискуссия «БРИКС: новые вызовы в эпоху глобального развития». На мероприятии также прошли дебаты «Приоритеты и...