Ламось тушенды историяв, но аф сембось

Ульсь пинге, мзярда Инсарскяй райононь Кочетовка велень школаса классне пяшксетольхть шабада, эрьса тонафнесь 25-30 идь. Тячи марнек школаса лувондови комсь кафтува тонафни, нятка пачфневихть ниле велетнень эзда―Мокшень Паёвкаста, Лухмайданцта, Лфнаста и Кочетовкаста. Тяса ламось тяни тушенды историяв. И сембе сяка школась эряй, эсь тевонь содай тонафтыхне макссихть шабатненди кеме содамошит, касфтсазь синь эсь шачема-касома ширень патриотокс.

―Сембось, мезе сувафневи тонафнемань программати, пяшкотькшневи эрь шинь занятияса, ётафневи эряфс,―азонды Кочетовка велень школань директорть заместителец С.П.Азыркина.―Шабатне фкя лаца кенерькшнихть кода рузонь предметтнень тонафнемаса, стане и мокшень кяльть и литературать тонафнемаса. Минь школаньке мзярдовок аф лядонды ширеса районца и республикаса эрь кодама олимпиадань, конкурсонь ётафнематнень эзда, тяфтама мероприятиятнень эса примсетяма инь активнай участия. Кепотьксонди, аф кунара ётафтф районнай олимпиадаса творческяй работань секцияса котоце классонь тонафнись Костя Трач сявозе васенце вастть. Тяни сонь анокласаськ республикань тяфтама пялькстомас.
Нюрьхкяняста азонттама Костянь колга. Шачсь сон Лфна велеса. Тядяц, Людмила Фёдоровна, мокшава, аляц, Илие Борисович, шачсь Молдавиянь модать лангса. Тя семьясь Лфна велеса сембоса няфни пример.
Трачнень идьсна аф аньцек лац тонафнихть, но и мушендыхть пинге лезнемс тядяснонды-аляснонды кудъётконь тевса. Якайхть кудонь жуватаснон мельге, аноклайхть тише, урядайхть картт, тиендихть лия тефт.
―Мон кельгса эсь шачема ширезень, эсь веленьконь, сонь луганзон, паксянзон, Лфнань вирть,―ёфсикс аф идень мяльса-арьсемаса мярьгсь Костя Трач.―Старандан сяда лама корхнемс мокшень кяльса, арьсемс мокшекс. Улихть монцень аф оцю сёрматфоне перьфпяльть, школань эряфть, ялгаксшить колга. Варчсесайне вийнень и стихонь тяштемаса.
И тяфтама шабада, кода Костя Трач, Кочетовкань школаса аф кржа. Иттнень сяда мялезост тушенды эсь мокшень кяльсонк сёрмадомась, лувомась. И тянкса оцю путксоц мокшень кялень и литературань тонафтыть Зинаида Ивановна Кирдяпкинать, кона тя школаса покоди пцтай нильгемонь киза. Кизос коре теенза ни ваймосемаль, но аф стама ломаттнень эзда мокшавась, сон тячемс эсь содамошинзон макссесыне иттненди, тонафты эсост кельгомс эсь шачема-касома ширеть, сяда лац содамс народоньконь козя историянц, сонь коензон-обуцянзон. Зинаида Ивановна сидеста ётафни шабатнень мархта творческяй кружокт, коса иттне лувондсазь мокшэрзянь писательхнень стихснон, азксснон, повестьста-романцта пакшт, а тяфта жа тонафтысь максси оценкат иттнень эсь кяльса сёрматфснонды. Азома сявок, Зинаида Ивановна лама тись школань музейть пуроптомаса, материалса козякофтомаса. Тяса велеть сембе историяц, сире пингста сявомок тячиень шити молемс. Няеви вастсот велеть шнама ломаненза, Родинань аралайхнень фотографияна, синь фронтонь сёрмасна, медальсна, орденцна.
―Аньцек суван музеи, эстокиге перьфкан пуромкшнихть шабатне,―кепотьф мяльса азонды З.И.Кирдяпкина.―Фкя-фкянь ётазь макссихть кизефкст, мяльсна сяда лама содамс тя или тона уженять колга. Кой-конат иттнень эзда синць лезнихть музейть «козякофтомаса», мушендыхть и каннихть тяза кунардонь пингонь паршихть, фотографият, кядьгонят и стак тов. Арси лад мялезон и иттнень инкса марян гордость!―мярьгсь мокшень кялень и литературань тонафтысь З.И.Кирдяпкина.
Кода ни азфоль инголе, Кочетовкань школаса и марнек велеса ламось тушенды историяв, но аф сембось. Тяса тонафневи минцень кяленьке, литератураньке, тядянь-алянь кяльса кайгихть стихт, морот, сиде моронят. И катк тянди мзярдонга аф перяви кись, катк минценнесь, роднойсь ванфтови лама, лама пингс.
Н.ЛОБАНОВ.
Фототне авторть.

Последние новости

В Мордовии открылись новые благоустроенные зоны отдыха

В Мордовии в этом году открылось сразу 7 новых...

Благодаря нацпроекту малый и средний бизнес Мордовии получает господдержку

Министерство экономики, торговли и предпринимательства РМ совместно с Центром...

В Ичалковском районе приводят в порядок 14 км дорог

В Ичалковском районе Мордовии по национальному проекту «Безопасные качественные...

Нацпроект помогает бизнесу Мордовии стать узнаваемым и привлекать новых клиентов

Министерство экономики, торговли и предпринимательства РМ совместно с Центром...

Дан старт приемной кампании по программам «Профессионалитета»

В Мордовии начинается приемная кампания в колледжи и техникумы...

Нацпроект помогает семейному бизнесу Турбиных из Мордовии 

Министерство экономики, торговли и предпринимательства РМ совместно с Центром...

В Мордовии модернизируют службу занятости

Мордовия вошла в число пилотных регионов комплексной модернизации службы...

В Мордовии открылись новые благоустроенные зоны отдыха

В Мордовии в этом году открылось сразу 7 новых пляжей. Средства на их благоустройство были предоставлены предпринимателям республики в качестве грантовой поддержки. Работы велись...

Благодаря нацпроекту малый и средний бизнес Мордовии получает господдержку

Министерство экономики, торговли и предпринимательства РМ совместно с Центром «Мой бизнес» оказывает поддержку предпринимателям Мордовии. Так, благодаря реализации национального проекта «Малое и среднее предпринимательство...

В Ичалковском районе приводят в порядок 14 км дорог

В Ичалковском районе Мордовии по национальному проекту «Безопасные качественные дороги» в 2024 году будет капитально отремонтировано порядка 14 км дорог. В мае начались работы на...