Лемдяй велеть тячиень эряфоц

Саранск ошста Краснослободскяи ардомста сельминголет повихть кемотть оцю и ёмла велет. И эрть сонцень исяконь и тячиень эряфоц, историяц, коенза-обуцянза. Оцю ки лангса ащи и Старошайговскяй райононь Лемдяй мокшень велесь, конань историяц моли кемготувоце векста сявомок. Ингольдень пинкнень тяса ульсь вармань 12 меленця, кузенця, Шкаень куд, земскяй школа, марнек велеса эста эрясь кафта тёжяньда лама ломань. Советскяй пингть тяса касфнесть сёронь козя урожай, ферматне пяшксетольхть жуватада. «Лемдяйский» велень хозяйствань предприятиясь путневсь примеркс райононь лия хозяйстватненди, тяса ётафневсть семинархт, коза кочксевсть колхозонь и совхозонь вятихть, специалистт.

Ужяленди, семботь тянь колга азондомась мольфтеви ётай пингста. Тяни тяса срадсть-каладсть жуватань кирдема карттне, сёронь ванфнема утопне, пякставсь машинно-тракторнай парксь, паксятне и лугатне ётасть лия азоронь кядьс. Аф кеняртьфти картинась и образованиянь и социальнай сфераса. Нинге аф кунара Лемдяень школаса велень стирнятне и цёранятне тонафнезь мокшень писательхнень творчестваснон, кяленьконь, латцесть сценкат, лувондсть стихт, морсесть морот. Тяни школась сёлкф, шабатне тонафнема усксевихть шабрань Новотроицк рузонь вели. Лемдяйса аш цебярь лавка, клубсь и ФАП-сь вешихть петема, срадсь-каладсь пекарняське. И сембе сяка, аф ваномок ня прябалатнень, стакатнень-сталмотнень лангс, Лемдяй мокшень велесь эряй, ломаттне строяйхть од кутт, а уликснень петнесазь.
—Сембода активнайста ня работатне мольфтевихть мекольце вете-сисем кизотнень,—азонды Лемдяй велень администрациянь оцюнясь А.В.Медведев.—Ламонцне одкстопнесазь тядянь-алянь кудснон, лиятне строяйхть отт. Тячиень шити пропискас коре велеса лувондови вете сядоть малава ломань. Улихть стамотка, конат вели састь ширеста, но курокста синь арасть эсь ломанькс, мяльсна нолдамс Лемдяйса юрхт лама кизос.
Велень администрациясь мезьса машты лезды ня ломаттненди, курокста тиендевихть, макссевихть газонь, электричествань ётафтомс справкат, эсь пингстонза решандакшневихть пропискать мархта сотф кизефксне. Мекольдень пингть Лемдяй велеса поладозь эряфснон, мрдасть ошста, Владимир и Раиса Осипофне, Михаил и Антонина Терентьефне, Николай и Раиса Кудашкиттне. Валентина Ивановна Юнеевась цёранц Русланонь мархта строяйхть од куд, мрдасть эсь шачема велезост лама лия семья. Кирдихть жуватат, куднармотть, озафнихть перень сёрот. Улихть стамотка, конат касфнихть кстыхть, сявф урожайть мишендьсазь, получсихть аф кальдяв прибыль.
Мялезе азондомс Т.В.Босинать колга. Шачемас коре Таиса Владимировна Ковылкинскяй райононь Красная Пресня рузонь велеста. Школать сёлговомс сон вятсь географиянь урокт. Тяни работай предпринимателень ширеса. Велеряйхне Таиса Владимировнань лемс азондыхть лямбе валхт и сянкса, мес рузонь авати седикс-ваймокс кельговсь мокшень кяльсь.
—Мирдезе ульсь Лемдяй велень, ужяленди, аф кунара сон тусь эряфста,—мярьгсь Таиса Босинась.—Кудса мархтонза корхнеме аньцек мокшекс, тянди тонафтоськ и шабаньконь. Мокшень кяльсь, тейне-арам, инь мазысь и козясь лия кяльхнень эзда, валхне азондовихть ляпоняста.
Виденц азомс, мон ашень веронда сянди, што корхнетяма рузавань мархта, тя ломанть инкса маряма гордость и азомат лемозонза сюконямань валхт. Вов эздонза эряволь сявомс пример сятненди, кие пяк курокста юкснесыне эсь мокшень кяленц, шачфтыензон-касфтыензон, кодама кяльса азозень васенце валхнень.
Лемдяй велеста минь туме аф фкя лацонь арьсема мархта. Фкя ширде мяленьке колавсь, мзярда минь содаськ и няеськ, мзяра тястонь ломаттнень эряфонь прябаладост, омбоце ширде кенярдеме сянди, кодама мяльса-арьсемаса молихть лемдеряйхне вандыень шити. И кода тяса аф лятфтамс рузонь валмуворксть: ваяйхнень араламасна, эсь кядьсост.
Моледа тяка киге, тясть када юмама-арама эсь велентень, сяда товга вельмофнесть сонь коензон-обуцянзон, козякофнесть историянц марстонь цебярь тевса.
Н.ЛОБАНОВ.
Фототне авторть.

Последние новости

Саранск встретил март «Весенней ярмаркой подарков» 

1 марта в столице региона, при поддержке Министерства экономики,...

В Региональный сосудистый центр №2 поступает новое современное оборудование

Региональный проект «Борьба с сердечно-сосудистыми заболеваниями» национального проекта «Здравоохранение»...

ПОСЛАНИЕ ПРЕЗИДЕНТА

Инициативы Президента Владимира Путина по итогам послания Федеральному Собранию  29...

Благоустройство Дубенского района Мордовии

Центральная площадь вс. Дубенки, 2 общественные территории в с....

Президентть Посланияста

 Башка мяль Владимир Путин эсь Посланиясонза шарфтсь образованиять качестванцты....

Саранск встретил март «Весенней ярмаркой подарков» 

1 марта в столице региона, при поддержке Министерства экономики, торговли и предпринимательства Республики Мордовия и регионального Центра «Мой бизнес» открылась «Весенняя ярмарка подарков». Традиционно...

В Региональный сосудистый центр №2 поступает новое современное оборудование

Региональный проект «Борьба с сердечно-сосудистыми заболеваниями» национального проекта «Здравоохранение» предусматривает профилактику развития данного диагноза у пациентов с высоким сердечным риском. Для достижения этой цели...

ПОСЛАНИЕ ПРЕЗИДЕНТА

Инициативы Президента Владимира Путина по итогам послания Федеральному Собранию  29 февраля 2024 года Послание Президента – это, по сути, программа развития страны, образ будущего, который выходит...