Лемтьфоль Фёдор Ушаковонди

8 августста Саранскяйса, А.И.Полежаевонь музейса, ётафтовсь «О доблести, о подвигах, о славе» лем ала мужествань урок. Патриотическяй акциясь, кона лемтьфоль святой адмиралть Фёдор Ушаковонь шачема шиста 280 кизонь топодемати, а тяфта жа сонь канонизациястонза 24 кизонь топодемати, аноклазе и ётафтозе музеень научнай сотрудниксь Кира Першина.
Мужествань урокть панжемста сон азондсь пуромфненди Россиянь великай флотоводецть боевой подвигонзон и сатфксонзон колга, конатнень вельде Средиземнай и Чёрнай морятнень эзда паньфоль туркатнень флотсна, а сонць морясь арась Российскяйкс.
Сяльде Кира Першина азондсь пуромфненди святой адмиралть Фёдор Ушаковонь эряфонь мекольце кизонзон колга, конатнень сон эрязень Мордовиянь модатнень лангса.
Мельганза пуромфненди святой флотоводецть Фёдор Ушаковонь духовнай сяськоманзон и сатфксонзон колга пуромфненди пачфтсь Саранскяй духовнай семинариянь старшай преподавательсь, иерейсь Дмитрий Слугин. Сон тяфта жа пачфтезе, мес Фёдор Ушаков азф святойкс, кодама духовнай сотксса сон сотнеф Мордовиять мархта, и мес лувондови мокшэрзянь модань ванфтыкс-аралайкс.
Мекпяли Кира Першина и иерейсь Дмитрий Слугин отвечасть пуромфнень кизефксснон лангс.
Владимир Нестеров.