Лемтьфоль Строителень шити

7 августста Республикань Кудса ётафтовсь торжественнай мероприятия, кона лемтьфоль Строителень шити. Отраслянь представительхнень поздравляндазень Мордовиянь Оцюнясь Артём Здунов. Региононь руководительсь китькстазе: работань объёмтне касыхть. Лама объект эряви панжемс 1 сентябрьста. «Тя пяк пара, што строительхнень лама работадост, мзярда минь строятама сяда тёжянь квадратнай метра, мзярда синь рамсесазь»,—мярьгсь Артём Здунов.
Мордовиянь Оцюнясь азсь благодарностень валхт строительхненди Россиянь од региоттнень одукс строяманкса, тяконь лувксса—Херсонскяй областень Каланчакскяй округти лезксонкса.
Отраслять вииямаса оцю васта занцихть нацпроекттне, конат ётафневихть эряфс РФ-нь Президентть Владимир Путинонь мярьгоманц коряс. Меля шумордафоль вете кизонь васенце циклась, строяф семейнай инфраструктурань тяниень пингонь 30-да лама объект.
Тядде республикась ушедсь нолямонза тевс «Инфраструктура для жизни» од нацпроектть, кона пуроптозень марс уликс федеральнай программатнень. Республикаса эвондакшнихть од объектт, тяконь лувксса Президентть ширень кирдеманц вельде строяви онкологическяй диспансерть од зданияц.
«Работань объёмтнень минь ёратама аф кирьфтамс. Строямань отраслясь эряй и вииякшни»,—мярьгсь Артём Здунов.
Тяддень 1 ноябрьста нолдави тевс од программась: бюджетнай сферань работникнень семьяснонды, конат вешихть эряма вастонь условиятнень цебярьгофтомаснон, кармайхть макссевома квартират (наймань договорть коряс сяда товолдонь рамамань правас коре). Главнай условиясь—идть шачфтомац.
Мордовиянь Оцюнясь макссь казнет инь цебярьхненди. Строительхнень стане жа поздравляндазь МР-нь Госсобраниять Председателец Владимир Чибиркин, МР-нь Правительствань Председательть заместителец Инсаф Хайруллин, МР-нь строительствань и архитектурань министрсь Алексей Гришакин.