Лездыхть специальнай военнай операцияти

Старошайговскяй райононь Сире Теризморга велень школаса касфтыхть афкуксонь патриотт, мокшэрзянь краень кельгихть. Тяста лиссь лама военоначальникта, Великай Отечественнай войнань и лия военнай конфликтонь ветеранда.
Сявсаськ, кепотьксонди, Мордовиянь Народнай поэтть И.М.Девинонь. Сон ётазе марнек Великай Отечественнай войнать. Казьф боевой лама орденца и медальса. Сонь лангстонза тонафни тяниень поколениясь, ся од ломаттне, конат кассть Илья Максимовичень стихонзон лангса, конат тонафнезь содаф писательть и поэтть творчестванц школаса, марясть оцю гордость сянкса, што синь велесост шачсь и кассь Родинань аралайсь, войнань ветеранць И.М.Девин. Корхтамась мольфтеви СВО-нь участникнень колга. Нят Владислав Каргин, Илья Первушевский, Сергей Ничик и лиятне. Мзярда од ломаттне сашендыхть отпускс, аф ётнихть школать, бибилотекать, Национальнай культурань центрать вакска. Сувсихть, азонкшнихть эсь службаснон колга, отвечсихть велеряйснон кизефксснон лангс. Велеряйхне сембоса лездыхть СВО-ти. Кодайхть носокт, маскировочнай сетьть, тиихть окопонь штатолхт. Кода азозе велень библиотекарсь С.Ф.Пивкина, синь фалу мяльса кирдьсазь СВО-нь участникнень, синь семьяснон. Тернесазь илас. Велень боецнень колга кочкасть мялень салай материалхт, конатнень нолясазь тевс мероприятиянь ётафтомста, велеть колга исследовательскяй работань сёрмадомста.
Илья Вешкин.