Кода пачфневи «Стопмошенник13» телеграм-каналса, Россиянь УМВД-ть Саранск ошень округть эзга 3№ ОП-ть дежурнай частезонза пшкядсь Лямбирскяй райононь 37 кизоса эряйсь и пачфтсь сянь колга, што августста теенза гайфтсь мобильнай телефонца аф содафсь и мярьгсь, што сонь ялганцты эряви финансовай лезкс.
Авась пачфтезе, што 1968 кизоня шачф ялгац работай страховой агентокс и заняф ярмаконь средстватнень инвестированияснон мархта. Бта сон пшкядсь гайфтити и эняльдсь анамс шумос ярмак. 37 кизоса авать валонзон коряс, гайфтись, а тя ульсь аля, аш ни кода эняльдсь лездомс ялганцты. Кле, кда аш ярмакне, ули кода сявомс кредит. Прябалать решандаманкса аназень картать даннаензон и лия документтнень. Кредитсь сявфоль пяк курокста, ярмакне—189 тёжянь цалковайсь повсть мошенникти. Пингонь ётазь стирсь пшкядсь ялганцты и эняльдсь мрдафтомс ярмакнень и сёлгомс кредитть, но теенза атказафоль.
Тяда меле васькафтфсь пшкядсь полицияв. Тяниень пингть ётафтови проверка.
Мордовия Республикань кельгома эряйхть и инжихть, шарфтода тянь лангс мяль и пачфтесть тя информациять эряфкшу раднянтенди! Кда поводе мошенникнень килькшс, эстокиге пшкядеда внутренняй тевонь оргаттненди, сяс мес тяфта полицейскяйхненди ули кода сяда курок орадомс преступлениять и перямс оттнень киснон.