МАЛАВСА МАШТЫХТЬ И ПОКОДЕМА, И ВАЙМАМА

Ковылкинскяй райононь Малав мокшень велесь ащи Рапця ляйть лангса республикань кафта ошнень—Ковылкинать и Краснослободскяйть ёткса. Шинь стяма, мадома и лямбе ширетнень эзда шарсазь пичень-кузонь и лия шуфтонь вирьхне, конат фалу козятольхть дикай зверьса, пангса и иможса. Аш месть корхтамс, перьфпяльсь Малавса мазыдонга мазы. Кожфське аш ни кода ару. Ломаттневок пара ваймот.

Ковылкинань краеведческяй музейть архивнай документонзон эса ули тяфтама сёрматфкс: «Малав велеть тиезь 1595 кизоть самс мокшэрзянь поселенецне».
XVII веконь актовай документтнень эса лятфневи Малав велень мордвинць Сидней Мамолаев. Степан

Хрущёвонь темниковскяй писцовай книганзон эса (1622 кизось) тяштьф Малав велеть колга, конань эса мордовскяй 20 пирьф. Мордовскяй АССР-ть топонимическяй валкссонза сёрматф: «Мамолаевась (Малав, Малаввеле)—мокшень веле Ковылкинскяй районца. Ащи Рябка (Ряпця) ляйть лангса». Пензенскяй губерниянь Населённай васттнень спискасост (1869 кизось) «Малавсь—Краснослободскяй уездонь 101 пирьфста ащи веле. Лемоц—антропоним».
Малавса эрясть Кшняйкитт, Арапофт, Кечитт, Торопофт и лия фамилия мархта ломатть.
1914 кизоня Малавсь ульсь волостной центракс, коза сувсесь 13 поселения. 1930 кизотнень пуроптфоль откормочнай совхоз, кона меле арась ТОО-кс. 2002 кизоста сявомок сон—«Мамолаевское» СХПХ. 1998 кизоня вели ётафтфоль газ и кудга ведь.
Аш кода аф лятфтамс Малавть содаф стирензон и цёранзон колга. Ётксост литературоведсь и критиксь

Мария Малькина, советско-партийнай работниксь С.Я.Арапов и лиятне.
Тяниень пингть Малавса улихть школа, Социальнай многофункциональнай центра, церькав, кафта лавкат.
Малавса улемстонк корхнеме велень поселениянь оцюнять, мокшалять Пётр Романовонь мархта. Пётр Ивановичень валонзон коряс, Малавонь велень поселенияти сувсихть Самозлейкась, Лепьюсь, Од Толкусь, Сомайсь, Рузонь Лашмась, Сазоновкась. Сембоц поселенияса тячиень шити эряй 920 ломань, эздост, регистрацияс коре, 345-сь—Малавса.
Велень поселениянь оцюнясь азсь мялень кеподи и кеняртьфти куля: Малавса самай пуроптови жуватань касфнемань хозяйства. Сон аньцек тиендьсыне васенце аськолксонзон, сяс нинге аш лемоц. А заняфт тя эрявикс и пара тевть мархта Москувонь эряйхне, конат шачсть-кассть Малавса. Синь кельгсазь ёмла родинаснон, пичедихть инксонза, а кой-кинь эздост ули мяльсна самс тяза эряма меки, лездомс родной велеснонды.

Сонць Пётр Иванович лама киза предпринимателель, омбоце кизось Малав велень поселениянь оцюня.
Кда корхтамс поселениянь китнень колга, синь аф кальдяфт. Но ломаттнень мяльсна, штоба улельхть сядовок цебярьхть. Тядде тиф ёмла кевняста ацаф ки Од Толкуса. Инголи тя велень калмотненди ульсь стака пачкодемс, а тяни 900 метрань кувалмоса кись вельхтяф ёмла кевняса. Тяда башка, Од Толкуса ляйть туркс тиф кшниста и бетонцта седь, а Лерьюса—600 метрань кувалмоса ёмла кевняста ки.
Пётр Иванович шачемас коре Лепьюста. Трудовой кинц ушедозе совхозса трактористокс. Сяльде бригадироль. И, кода ни азфоль, лама киза заняфоль предпринимателень тевса.
Малавонь Социальнай многофункциональнай центрать вельхксонц алот велень поселениянь администрациясь, почтань отделениясь, велень клубсь, библиотекась, фельдшерско-акушерскяй пунктсь, МФЦ-нь отделениясь. Сембось марса, сяс велень поселениянь эряйхненди вяре азф центрать 2019 кизоня панжемац арась оцю казнекс. «Велень территориятнень устойчивайста касомасна-вииямасна» программать мяльса кирдезь Социальнай многофункциональнай центрась несколька кизоста кенерсь арамс Малавти «седикуцюнякс».

Ломаттне тоса маштыхть покодема, синь—афкуксонь труженикт. Но вдь маштома и ваймама. Сяс велень клубть работанц эзда ламода ащи синь культурнай эряфсна.
Малавонь клубть заведующаенц Борис Гагинонь и библиотекать заведующаенц Светлана Гагинать лемсна лац содафт Ковылкинскяй районца. Борис Михайловиченди и Светлана Васильевнанди васенце вастса клубса работамась. Мокша ломаттне пуроптсть клубса художественнай самодеятельность, кона шиста шис кочкси вийхть, а участниконза примсихть участия велень и районнай ламоц пуромкснень эса. И эрти эздост аноклакшнихть ваймонь путозь.
Велеть шинцты (сон уленди Святой Тройцяста) Борис Михайлович велень эряйть Михаил Егоровонь мархта кодасть перяфкс, а Светлана Васильевна пидесь-панць танцти пярякат и каванязень велеряйхнень. Анокласть 1959 кизоста сявомок выпускной класснень фотографияснон мархта «Здравствуй, выпускник» стенд, а «Минь велень ломаненьке» стендти кочкафтольхть фотографият марнек Малавста.
Клубса работай несколька кружок, сяс сембе сайхне муйхть мезьса занямс пря.
Оцю музеенди сатыхть кунардонь пингонь кядьготне, лия паршихне, конатнень стане жа кочказь Гагиттне. Ужяль, тя сембось няфневи аньцек илатнень пингста, сяс мес кирдемс тняра козяшить фалу сельминголе аш васта.
Лама пуромкс ётафневи и аноклакшневи иттненди. Стирнятне и цёранятне кенярдезь сашендыхть тястонь клубу.
«Мокшаваня». Тяфтама лем канни коллективсь, кона пуроптфоль клубть видеса несколька кизода инголе. Мокшаватне-баяраватне ётафтсть пяк лама пуромкс Малавса и фалу примсихть участия районнай и республиканскяй мероприятиятнень эса.
Башка китькстама, што тунда и кизонда, мзярда велень эряйсь крга видева заняф тевса, «Мокшаваня» коллективонь участницатне (улихть и алятка) сембе сяка мушендыхть пинге и сашендыхть клубу репетицияс и пуромксонь ётафтома. «Мокшаванять» и клубть колга сяда келиста азонттама нинге.
Малавса улемстонк сувсеме школав, коса содафтоме филиалть заведующаенц и педагогическяй коллективть мархта. Тяньге колга пачфттяма газетать сяда мельдень номеронзон эса.
Ули велеса храм, конань Саранскяй и Мордовскяй митрополитсь Зиновий святиндазе несколька кизода инголе. Церькав велеса ульсь и инголивок, но тяни эздонза лядсь аньцек фкя стенать пяльксоц. Ваксозонза строяф шуфтонь од храм.
Моли специальнай военнай операциясь. Малав велень поселениянь кой-кона алятне и цёратне примайхть эсонза участия. Ужяль, эздост фкять эряфоц сязевсь тюремань паксяса тяддеть ушетксста…
Школаса тонафнихне тяшнихть боецоньконди лямбе вал мархта сёрмат, рисовандакшнихть рисункат, тиендихть поделкат.
Малавть инь оцю козяшиц—ломаттне, конат тяса эряйхть. Самай синь—велеть тячиень и вандыень шиц, надияма вастоц, синь вельдест кирдихть странасонк велетне и веленятне. Малавса ламотне тяштьфнихть «Мокшень правда» и эрь недяляня учсесазь газетать оцю мяльса.
Панчфокс панчт, Малав веле!
Татьяна АЛЬШИНА.

Последние новости

Нацпроект и снижение смертности при ДТП

В рамках национального проект «Безопасные качественные дороги» в Мордовии...

В Мордовии продолжается реконструкция районных домов культуры

Торбеевский дом культуры – центр притяжения всего района. Здание...

Дискуссия по развитию БРИКС прошла на Всемирном фестивале молодёжи

В рамках Всемирного фестиваля молодёжи в субботу, 2 марта,...

Саранск встретил март «Весенней ярмаркой подарков» 

1 марта в столице региона, при поддержке Министерства экономики,...

В Региональный сосудистый центр №2 поступает новое современное оборудование

Региональный проект «Борьба с сердечно-сосудистыми заболеваниями» национального проекта «Здравоохранение»...

ПОСЛАНИЕ ПРЕЗИДЕНТА

Инициативы Президента Владимира Путина по итогам послания Федеральному Собранию  29...

Благоустройство Дубенского района Мордовии

Центральная площадь вс. Дубенки, 2 общественные территории в с....

Нацпроект и снижение смертности при ДТП

В рамках национального проект «Безопасные качественные дороги» в Мордовии реализуется региональный проект «Безопасность дорожного движения». Одна из его задач – сокращение смертности в результате...

В Мордовии продолжается реконструкция районных домов культуры

Торбеевский дом культуры – центр притяжения всего района. Здание построено в 1974 году и давно требовало ремонта. В 2023 году по национальному проекту «Культура»...

Дискуссия по развитию БРИКС прошла на Всемирном фестивале молодёжи

В рамках Всемирного фестиваля молодёжи в субботу, 2 марта, прошла дискуссия «БРИКС: новые вызовы в эпоху глобального развития». На мероприятии также прошли дебаты «Приоритеты и...