Мокшень Куженя велесь тячи

Зубово-Полянскяй райононь Мордовскяй Поляна велень эряйхне лемнесазь сонь Мокшень Куженякс. Ащи сон Лундан ляйть маласа, 15 вайгяльбень вастса райцентрать эзда. Лемсь ащи: куженя «поляна» и «мордовскяй» («мокшень») валста, кона няфнесы этническяй кодама народста сон ащи.
«Тамбовскяй губерниянь велетнень спискаснон» (1866) эса азф, што Мордовскяй Полянась—Спасскяй уездонь казённай веле, эсонза 98 пирьф (1055 ломань). Ётай векть ушетксста пуроптфоль Ильичень лемса колхозсь, 1996 кизоня тифоль «Мордовско-Полянскяй СХПК-сь».

Велеса улихть средняй школа, библиотека, медпункт, лавка, церькав. Мокшень Куженяса шачсть-кассть Советскяй Союзонь Геройсь Д.В.Тюркин, писательхне Я.М.Пинясов, Г.И.Пинясов, СССР-нь ВЦСПС-ть председателец С.А.Шалаев. Григорий Ильич Пинясов «Лунданонь локшец» мокшетнень кунардонь эряфснон колга азкссонза сёрмады ся событиятнень колга, конат ётнесть Оцю Кужеса, Лундан ляйть маласа.
Мокшень велеть тяниень пингонц колга азондсь Мордовско-Полянскяй велень поселениять администрациянц оцюняц, мокшалясь Михаил Иванович Разгадов: «2019 кизоня Булдыгинскяй и Мордовско-Полянскяй поселениятнень пуроптозь марс. Мордовско-Полянскяй администрацияти тяни сувсихть: Мокшень Куженясь, Вадово-Сосновкась, Валовкась, Ивановкась, Булдыгась, Выселки велесь, Поповкась, Богдановкась. Валовкаса, кепотьксонди, аньцек 3 эряйхть, Ивановкаса—6. Велетнень эса эряй 800 малава ломань. Инголи пцтай эрь велеса ульсь школа, а тяни аньцек Булдыгаса средняй школа и Куженяса—основной (45 тонафни). Тядде васенце классу састь вете тонафнихть.
Мокшень Куженясь касфтсь и нолдась оцю кис аф кржа цебярь ломань. Ётксост профессиональнай тренерсь А.С.Чекаев, кона эряфонц оцюшканц ётафтозе Западнай Сибирьса. Тяни мрдась шачема велезонза и ётафни физкультурать коряс занятият иттнень мархта. Спортивнай площадканьке кизоньберьф пяшксель шабада. Александр Сергеевич пуропнезень синь футболса налхкома. Кизонда велеса ётафтоме земляконьконди Степан Фёдорович Пинясовонди лемтьф турнир, коса примасть участия 5 командат. Тяни ёратама тиемс школать инголе хоккейнай корт. Тя марстонь тевса лездыхть районнай администрациясь, райсоветонь депутатсь И.Е.Катков и велеряйхне. Якшапнень самс арьсефть тисаськ.
Аф аньцек районца, но и марнек республикаса содафт панаронь и мазоптомбялень тии машты кядь мокшаваньке: Г.А.Елисеева, В.Д.Пинясова, Т.А.Лёвина. Ичкози кулеви Куженя велень «Мокшаваня» фольклорнай ансамбльть вайгялец. 30 кизода ламос сон морси мокшень и рузонь кунардонь и тяниень пингонь морот. 1995 кизоня ансамбльти максф «Народнай» лем. Мокшаватнень содасазь аф аньцек Зубово-Полянскяй районца, Мордовияса, но и лия региоттнень эса. Кафта кизот мельцек коллективсь няфнесы республиканьконь «Финно-угорский транзит» искусствань и народнай творчествань Международнай фестивальть Гала-концертсонза. 2020 кизоня выступандась Рязанскяй областень Шилово ошса. 2021 кизоня «Финно-угорскяй транзитсь» ульсь Саранскяйса, тозовок «Мокшаванять» кочксезь кода Мордовиянь инь цебярь коллектифнень эзда фкять. Эрь кизоня «Мокшаванясь» няфнесы асушинц «Шумбрат, Мордовия!» Народнай творчествань республиканскяй фестивальса. Ужяль, ташта клубоньке срадсь-каладсь. Аф весть кепсеськ Культурань од кудть строяманц колга кизефксть. Коллективти велень администрациять зданияса максоме аф оцю кабинет, тоса и ётафнесазь репетицияснон. Сидеста выступандакшнихть школаса, ётафнихть илат ульцяса.
Мокшень Куженяса минцень производстваньке аш, сяс велеряйхнень ламошкасна работайхть «Плайтерра» заводса. Ламотне работайхть УФСИН-ца, кой-кие якай добувама Москуву. Кеняртьфти ся, што велесонк ули школа, кона стане жа максси рабочай вастт. Инголи велетнень эса ламоль предпринимательда, а тяни лувкссна кирсь пцтай кафтонь-крда.
Зубово-Полянскяй райононь эряйхне вестевок ашесть лядонда ширеса ся событиятнень эзда, конат лисендихть странаса. Велестонк кафта алятне примайхть участия специальнай военнай операциянь ётафтома васттнень эса. Районнай администрациянь оцюнять видеса пуроптф комиссиясь ванозе, кодама условияса эряйхть мобилизованнайхнень мала ломаньцна. Кой-конатненди надияфтсть лездомс».
Михаил Иванович Разгадов шачсь-кассь Мокшень Куженяса. Школать шумордамдонза меле поступась тонафнема Н.П.Огарёвонь лемса Мордовскяй госуниверситетонь филологическяй факультету журналистикань отделенияв. Работась «Мокшень правда», «Столица С» газетатнень эса. Кода корхнихть, ваймось фалу терди шачема вастти. Улема, сяс Михаил Иванович мрдась меки Зубово-Полянскяй району, аф лама пинге погодсь «Плайтерра» ЗАО-са, а 2020 кизоня сонь кочказь Мордовско-Полянскяй велень поселениянь администрациянь оцюнякс.

Последние новости

Саранск встретил март «Весенней ярмаркой подарков» 

1 марта в столице региона, при поддержке Министерства экономики,...

В Региональный сосудистый центр №2 поступает новое современное оборудование

Региональный проект «Борьба с сердечно-сосудистыми заболеваниями» национального проекта «Здравоохранение»...

ПОСЛАНИЕ ПРЕЗИДЕНТА

Инициативы Президента Владимира Путина по итогам послания Федеральному Собранию  29...

Благоустройство Дубенского района Мордовии

Центральная площадь вс. Дубенки, 2 общественные территории в с....

Президентть Посланияста

 Башка мяль Владимир Путин эсь Посланиясонза шарфтсь образованиять качестванцты....

Саранск встретил март «Весенней ярмаркой подарков» 

1 марта в столице региона, при поддержке Министерства экономики, торговли и предпринимательства Республики Мордовия и регионального Центра «Мой бизнес» открылась «Весенняя ярмарка подарков». Традиционно...

В Региональный сосудистый центр №2 поступает новое современное оборудование

Региональный проект «Борьба с сердечно-сосудистыми заболеваниями» национального проекта «Здравоохранение» предусматривает профилактику развития данного диагноза у пациентов с высоким сердечным риском. Для достижения этой цели...

ПОСЛАНИЕ ПРЕЗИДЕНТА

Инициативы Президента Владимира Путина по итогам послания Федеральному Собранию  29 февраля 2024 года Послание Президента – это, по сути, программа развития страны, образ будущего, который выходит...