Атерь велеса эряй-ащи трудонь кельги лама ломань.Синь нильгемонень и сяда ламонь киза макссть аф тёждя тефненди.
Пяле векта ламос Атерень райпонь заготконтораса трудендась М.А.Полькина. Ингольдень покодема вастонц лятфнесы аньцек прянь шнафтозь. Хуш и тевоц аф тёждятнень эздоль, но кепсесь мяль.
Гордостень марязь Мария Афанасьевна лятфнесыне эсь шачема-касома кудонц, тядянзон-алянзон, Афанасий Ивановичень и Анна Александровна Кузьмиттнень. Синь сембоса теенза ульсть примеркс. Аляц ётазе Великай Отечественнай войнать, казьф лама боевой орденца и медальса. Тядяц передовой колхозницаль. Цебярь ломанькс касфтозь и эсь идьснон. Мария Афанасьевна шачфтсь и касфтсь кафта итть. Ужяль, стирец, Валентина, пяк рана тусь эряфста. Цёрац, Иван Михайлович, эряй шабрань Каменка велеса. Ульсь Чечняса, ранендаф. Тяни вахтань методса якай Москуву добувама. Мокшавать кота уноконза, конатнень сон пяк кельгсыне.
Каршэряец, А.П.Васькина стане жа шачсь трудонь кельги оцю семьяса. Анна Павловна лама киза трудендакшнесь «Светотехника» производственнай объединениянь цехса-филиалса сборщицакс.
Марина Алексеевна Атерьса шнама ломань. Кафта уноконза.
Ня кафта мокшаватне кунара ни сёрматфнесазь и морафнесазь «Мокшень правдать».
—Газетафтома аф ётни фкявок шизе,—корхтай М.А.Полькина.—Морафнеса кунара. «Мокшень правдась» пяк мялень салай.
Тяконь азозе и А.П. Васькина.
Илья Вешкин.
Снимкаса: М.А.Полькина и А.П.Васькина морафтыхть «Мокшень правда».