Мокшэрзянь землячествась пуроптсыне марс Ковылкина аймакса шачфнень-касфнень

12 июньцта Ковылкинскяй райононь оцюнясь И.Н.Бутяйкин, Россиянь Шить и Земляконь Шить (сон ульсь Ковылкинаса) мяльса кирдезь, ётафтсь приём, коза тернезень муниципальнай райононь содаф эряйхнень и Ковылкинаса шачфнень, конат сашендсть ёмла родиназост.
Васедемать пингста корхтамась мольфтевсь муниципалитетть руководстванц, районть виияфтоманц, национальнай проекттнень и региональнай программатнень эряфс ётафтомаснон коряс мялензон колга. Тя тевса аф шуроста лезнихть землякне, конат тяни эряйхть ширеса.
Сафоль мяльс пуроптомс Ковылкинскяй райононь Мокшэрзянь землячества. Тянь колга райононь оцюнять приёмса корхтасть Российскяй Федерациянь Велень хозяйствань министерствань ингольдень чиновниксь Д.И.Торопов, Рязанскяй областень строительнай комплексонь министрсь В.Ю.Меньшов, образованиянь ветеранць В.В.Учкина и Ковылкинскяй районца шачфнень пуромксс лия тертьфне.
Инголи Ковылкинскяй райононь Мокшэрзянь землячества ашель, а вов Россиянь Шиня сафоль мяльсь сонь тиемс.
Землячествати председателькс азфоль Елена Анатольевна Помозовать (Ковылкинаса сонь ламонцне содасазь стирень фамилиянц—Алямкинать коряс) кандидатуранц. Мокшавась, Елена Анатольевна, Москувонь и Московскяй областень Мокшэрзянь землячествань член. Сидеста уленди ёмла родинасонза, Ковылкинскяй районца, коза сидеста сашенды Москуса Мордовия Республикать Постояннай Представительстванц видеса «Азорава» мокшэрзянь фольклорнай ансамбльть мархта солисткакс и ськамонза морама, пуромксонь, праздниконь вятема.
Мекольдень кизотнень Е.А.Помозова эряй Москуса. Сон Территориальнай общественнай самоуправлениять Общенациональнай ассоциациянц (ТОС-ть) проектонзон финансовай ширень кирдемань отделонц руководителец, Моску ошень Правительствать видеса региональнай землячестватнень Москувонь координационнай советснон Од ломанень комиссияснон образованиянь и наукать коряс комитетть руководителец.
Елена Анатольевна—эрьгав, стакада-сталмода аф пели стирь. Москуса шумордазе «Дубна» университетть, мокшэрзянь культурань, коень-обуцянь афкуксонь патриот. Вайгялец бта цёфксонь, аньцек кулхцондолеть эсонза.
Алямкиттне—Ковылкинскяй райононь пяк цебярь ломатть. Елена Анатольевнань тядяц, Галина Викторовна, и аляц, Анатолий Иванович, Мордовияса Алямкиттнень инь сире педагогическяй династиять представителенза.
Газетаньконь корреспондентонц мархта корхнемста Е.А.Помозова азозе, што Ковылкинскяй районца шачфнень, но лия вастса эряйхнень общественнай тя объединенияснон—Мокшэрзянь землячествать тиеманц вельде марс арьсекшневи пуроптомс сятнень, конат ёрайхть ванфтомс ёмла родинаснон, лезнемс теенза.
«Ковылкинань родной модаса шачфнень марстонь целеньке—лезнемс фкя-фкянди, тиендемс семботь коеньконь-обуцяньконь, родной кяленьконь, мокшэрзянь культураньконь ванфтомаснон инкса»,—мярьгсь сон.
Тячиень шити арьсефт васенце задачатне, конат кармайхть решандавома Ковылкина ошень и Ковылкинскяй райононь администрациятнень мархта.
Сембось ушеткшневи ёмла аськолксста, но инголе учихть и оцю тефт.
Е.А.Помозова тернесыне аф ащемс тянь эзда ширеса районть, республикать эзда ичкозе эряй Ковылкинскяй районца шачф од ломаттнень. Теест ули кода кирдемс общественнай тя движениять ширенц.
Ковылкинскяй райононь Мокшэрзянь землячествась арьсекшни марс пуроптомс сембонь, кинь эряфонь киц ушедсь Ковылкинскяй районцта: руснень, мокшетнень, эрзятнень, татархнень…
Тяни, Елена Анатольевнань валонзон коряс, мольфтеви работа землячествать уставонц и советонц составонц тиемаснон коряс.
Надиятама, Ковылкинскяй райононь Мокшэрзянь землячествать инголи путф цельхне-задачатне сатовихть и решандавихть марстонь вийса.
Т.Альшина.

Последние новости

В МОРДОВИИ ЭКСПЕРТНЫЙ СОВЕТ ПРИ АТК ОЦЕНИЛ КОНТЕНТ ДЛЯ МОЛОДЕЖИ

6 февраля в Доме Республики под председательством заместителя Руководителя...

Пенсионеркась ётафтсь аф пелькс счётс 5,5 миллиотт цалковай

Кода пачфни «Стопмошенник13» телеграм-каналсь, Россиянь УМВД-нь Саранск ошень округть...

«Варяг» крейсерть подвигоц

9 февральсь—Россиять военнай историясонза мяляфтови дата. Тя шиня 1904...

Мазыхть мокшень стиреньке

Кельгома морафтыеньке! 2025 кизоня «Мокшень правда» газетась сяда тов...

Рославльскяй Краснознамённай 326-це стрелковай дивизиясь пуроптфоль Саранскяйса

Тядде васьфтьсаськ оцюдонга оцю илать—Великай Сяськомать 80 кизонь топодеманц....

Эрявикс кизефксненди—башка мяль

Ётай недялять Саранскяйса, Республикань Кудса, ётафтовсь Мордовия Республикань сисемце...

В МОРДОВИИ ЭКСПЕРТНЫЙ СОВЕТ ПРИ АТК ОЦЕНИЛ КОНТЕНТ ДЛЯ МОЛОДЕЖИ

6 февраля в Доме Республики под председательством заместителя Руководителя Администрации Главы Республики Мордовия и Правительства Республики Мордовия – руководителя Пресс-службы Главы Республики Мордовия Елены...

Пенсионеркась ётафтсь аф пелькс счётс 5,5 миллиотт цалковай

Кода пачфни «Стопмошенник13» телеграм-каналсь, Россиянь УМВД-нь Саранск ошень округть эзга 4№ полициянь отделу пшкядсь ошень 65 кизоса авась, кона пачфтсь вете тёжяньда лама цалковаенц...