Кельгома ялгат!
«Мокшень правдась»—фкя и сяка газетась, кона ноляви мокшетненди родной кяльса-валса. Кода няеви редакциянь почтаньконь эзда, сят, кит сёрматфнесазь и морафнесазь тя изданиять, шнасазь сонь, тушенды мялезост, лувондсазь эстеест цебярь ялгакс.
Пара азомс, аф кржа мокша ломань сёрматфтсть ни «Мокшень правда» 2023 кизоть омбоце пяленцты. Сюкпря теест тянкса! Тернесаськ лия мокшетненьге тяштьфтемс эсь кяльса лисенди газета. И тиемс тянь пингть апак тарксек, вдь подписной кампаниять аделавомс лядсь аньцек колма недялят.
Нинге весть лятфтасаськ: «Мокшень правдаса» недялянди печатлакшневи основной телевизионнай каналхнень программасна, лисендихть целай полосат—«Кода эрясть и эряйхть мокшетне», «Мазыхть мокшень стиреньке», «Минь семьяньке», «Тинь шумбрашинте» и стак тов. Газетась аф юкснесыне перень и садонь азорхнень, жуватань и куд нармонень мельге якайхнень. Сон эрь мезне максси советт и рекомендацият. Мокшень газетаса аф ёмла васта занци юморсь и сатирась.
«Мокшень правдась»—республиканскяй периодическяй изданиятнень ёткста фкя инь интереснай и уцез газетась. Сёрматфтомать питнец:
6 ковонди—364 цалковай 98 трёшник;
3 ковонди—182 цалковай 49 трёшник
Индекссь П4719
«Мокшень правдать» ули кода сёрматфтомс почтовай связень эрь отделенияса, а стане жа интернетть вельде. Тянкса сувама «Почта России» сайтти тяфтама адресс коре: PODPISKA.POCHTA.RU, сяльде кочкамс «Мокшень правда» газетать лемоц. Тяда меле тиемс инструкциять коряс.